مەنبە: finance.sina.com.cn

يېقىندا، تارىم نېفىتلىكىنىڭ راۋاپ رايونىدا مىقدارى 100 مىليارد كۇب مېتىردىن ئاشىدىغان يېڭى تەبئىي گازلىق بايقالدى.
«12- بەش يىل» باشلىنىدىغان يىلدا، تارىم نېفىتلىكىدىكى نېفىت ۋە تەبئىي گاز قېدىرىپ تەكشۈرۈش ۋەزىيىتى كىشىنى خۇشاللاندۇرىدۇ. مىقدارى 100 مىليارد كۇب مېتىردىن ئاشىدىغان يېڭى ئىككى گازلىق ۋە مىقدارى 100 مىليون توننىغا يېتىدىغان چوڭ نېفىتلىك بايقالدى، يېڭىدىن بايقالغان نېفىتلىك ۋە تەبئىي گازلىقنىڭ 3- دەرىجەلىك زاپىسى 500 مىليون توننىغا يېتىدۇ، ئۇدا ئالتە يىل 400 مىليون توننىدىن كۆپىيىدۇ.
كەلگۈسى 10 يىلدا، تارىم نېفىتلىكى ئىلمىي پىلانلاپ، «ئۈچ قەدەملىك مېڭىش» ئىستراتېگىيەسىنى تۈزدى. يەنى 2010- يىلىدىن 2012- يىلىغىچە بولغان ئارىلىقتا، زاپاس مىقدارىنى ئەمەلىيلەشتۈرۈشنى تېزلىتىپ، نېفىت ۋە تەبئىي گاز مەھسۇلات مىقدارىنى20 مىليون توننىلىق سەۋىيەدە ساقلايدۇ؛ 2013- يىلىدىن 2015- يىلىغىچە بولغان ئارىلىقتا، بايلىق ئاساسىنى مۇستەھكەملەپ، 30 مىليون توننىلىق مەھسۇلات مىقدارى سۇپىسىغا قەدەم تاشلايدۇ؛ 2016- يىلىدىن 2019- يىلىغىچە بولغان ئارىلىقتا، زاپاس مىقدارىنىڭ كۆلىمىنى كېڭەيتىپ، 40 مىليون توننىلىق مەھسۇلات مىقدارى نىشانىنى ئەمەلگە ئاشۇرىدۇ.
تارىم نېفىتلىكى «چوڭ قېدىرىش» قۇرۇلۇشىنى قەتئىي ئىلگىرى سۈرۈپ، تۆۋەنكى يەر قاتلىمىدا نېفىت ۋە تەبئىي گاز قېزىشتىن ئىبارەت «ئىستىھكامغا ھۇجۇم قىلىش جېڭى» نى ياخشى ئېلىپ بېرىشى نەتىجىسىدە، كۇچا، شىمالىي تارىم، ئوتتۇرا تارىمدىن ئىبارەت ئۈچ چوڭ بازىدا كەينى- كەينىدىن زەپەر ئۇچۇرى كەلدى؛ قۇمۇل 6- رايونىدا مىڭ مېتىر يەر ئاستىغا يۇشۇرۇنغان «نېفىت قارا دېڭىزى» بايقالدى؛ چوڭ شىمال 201- رايونىدىكى مول تەبئىي گاز زاپىسى يېقىندا قېزىلىدۇ؛ كىشىنى ئەڭ روھلاندۇرىدىغىنى، چوڭ شىمال گازلىقى زىكرا 2- نومۇرلۇق گازلىقىدىن كېيىن بايقالغان 3- چوڭ ئۇۋاق جىنس چوڭ گازلىقى بولۇپ، تەبئىي گاز ئېچىش ئىستىقبالى كەڭ؛ يېڭىدىن تېپىلغان راۋاپ رايونى ۋە جۇڭگۇ 51- رايونى يەنە بىر چوڭ بايقاش بولۇپ، تارىم نېفىتلىكى ۋە گازلىقىنىڭ نېفىت- تەبئىي گاز ئىستراتېگىيەلىك ئورنىنى ئېلىش رايونىغا ئايلىنىشى ئۈچۈن دەسمايە كۆپەيتتى.
يېڭى تېخنىكا، يېڭى ھۈنەر كۇچا تاغ ئالدى نېفىتلىكىدىكى قېدىرىش قەدىمىنى تېزلىتىپ، كېشېن 1- قۇدۇقى، كېشېن 2- قۇدۇقى، كېشېن 201- قۇدۇقى ۋە كېشېن 202- قۇدۇقى تاماملىنىپ، ھەممىسىدىن يۇقىرى سۈپەتلىك سانائەت نېفىتى ھاۋا ئېقىمى قولغا كەلتۈرۈلدى.
2011- يىلى 12- ئاينىڭ ئاخىرىغا قەدەر، تارىم نېفىتلىكىنىڭ كۇچا تاغ ئالدى، چوڭ شىمال، كېشېن رايونلىرىدا جەمئىي 20 قۇدۇق قېزىلىپ، ئوتتۇرىچە قۇدۇق چوڭقۇرلۇقى 6549 مېتىرغا يەتتى. بۇنىڭ ئىچىدە چوڭقۇرلۇقى 7000 مېتىردىن ئاشىدىغان زىيادە چوڭقۇر قۇدۇقتىن تۆتى، چوڭقۇرلۇقى 8000 مېتىردىن ئاشىدىغان زىيادە چوڭقۇر قۇدۇقتىن بىرسى قېزىلدى. تاغ ئالدىدىكى مۇرەككەپ قۇدۇق رايونىنىڭ چوڭقۇرلۇقى ۋە زىيادە چوڭقۇر قۇدۇقلارنىڭ سانى مەملىكىتىمىز ئىچكى قۇرۇغلۇقىدىكى نېفىتلىكلەر ئىچىدە ئالدىنقى قاتاردا تۇرىدۇ.
ئىلگىرىكى يىللارغا سېلىشتۇرغاندا، 2011- يىلى تارىم نېفىتلىكىدىكى نېفىت ۋە تەبئىي گاز زاپىسىدا تېز ئېشىش ۋەزىيىتى كۆرۈلدى، پۈتۈن يىلدا يېڭىدىن سانائەت نېفىتى ھاۋا ئېقىمىدىن 29 ى قولغا كەلتۈرۈلۈپ، چوڭقۇر قۇدۇق قېزىشتا مۇۋەپپەقىيەتلىك بولۇش نىسبىتى %61.7 كە يېتىپ، تەرەققىياتتىكى زاپاس كۈچ يېتەرلىك بولدى.