تېڭشۈن تورىنىڭ باھار ئېيىنىڭ 1-كۈنىدىكى ئەتىگەنلىك خەۋىرى، ئاۋسترالىيە ئاخبارات ۋاسىتىسى «باشلامچى قۇياش گېزىتى» دوكلاتىدا، ئاۋسترالىيە ئاۋىئاتسىيە شىركىتىنىڭ (Qantas) مېلبۇرننىڭ يېقىن ئەتراپىغا جايلاشقان ئېغىر تىپتىكى ئاسراش ئورنىدىن 400 نەپەر خادىمنى قىسقارتىدىغانلىقى، شۇنىڭ بىلەن بىر ۋاقىتتا يەنە باشقا بىر بازىدىن 660 نەپەر خادىم قىسقارتىشنى ئويلاشقانلىقىنى، ئېيتقان.
«باشلامچى قۇياش گېزىتى»نىڭ دوكلاتىغا قارىتا، ئاۋسترالىيە ئاۋىئاتسىيە شىركىتىنىڭ ئاخبارات باياناتچىسى مەزكۇر شىركەتنىڭ ئاۋسترالىيىنىڭ ئۆزىدىكى ھازىر بار بولغان ئۈچ ئېغىر تىپلىق ئاسراش بازىسىغا قارىتا باھالاش ئېلىپ بېرىۋاتقانلىقىنى ئىسپاتلىغان. لېكىن يەنە بىر تەرەپتىن، بۇ باياناتچى ئەڭ ئاخىرىدا زادى قانچە ئادەم قىسقارتىدىغانلىقى توغرىسىدا ئۇچۇر بېرىشنى رەت قىلغان.
«باشلامچى قۇياش گېزىتى» مۇنداق كۆرسەتكەن: ئاۋسترالىيىدىكى ئەڭ چوڭ ئاۋىئاتسىيە شىركىتى بولۇش سۈپىتى بىلەن، ئاۋسترالىيە ئاۋىئاتسىيە شىركىتى كەلگۈسى بىر قانچە ئاي ئىچىدە Victoriaشتاتىنىڭ مەركىزى مېلبۇرنگە جايلاشقان Tullamarineبازىسىنى تاقاشنى قارار قىلغان ۋە شۇنىڭ بىلەن بىر ۋاقىتتا، ئاۋسترالىيە ئاۋىئاتسىيە شىركىتى قارمىقىدىكى ئەرزان باھالىق ئاۋىئاتسىيە شىركىتى Jetstarنىڭ Victoriaگە جايلاشقان بازىسىنى مۇشۇ ئىككى يىل ئىچىدە تاقىلىدىكەن.
نۆۋەتتە، ئاۋسترالىيە ئاۋىئاتسىيىسىنىڭ ئاۋسترالىيە دۆلەت ئىچىدە جەمئىي ئۈچ ئاسراش بازىسى بولۇپ، يۇقىرىقى ئىككىسىدىن باشقا، يەنە بىر بازىسى كۋېنسلاند شتاتىغا جايلاشقان. ئاۋسترالىيە ئاۋىئاتسىيىسىنىڭ ئاخبارات باياناتچىسى بۇندىن بۇرۇن Reutersئاگېنتلىقىغا مۇنداق بىلدۈرگەن، يەنى مەزكۇر شىركەتنىڭ ئەڭ يېڭى باھالاش نەتىجىسىگە ئاساسلانغاندا، شىركەتنىڭ بۇ ئۈچ بازا ئارقىلىق تىجارەتنى داۋاملاشتۇرۇشنىڭ ھېچقانداق زۆرۈرىيىتى يوق.
بۇ ئاخبارات باياناتچىسى يەنە: «ئاسراش مۇلازىمىتى ئېھتىياجىنىڭ زور دەرىجىدە تۆۋەنلىشىشى بىزنىڭ بۇ ئۈچ مۇستەقىل ئاسراش بازىسىغا ئېھتىياجلىق ئەمەسلىكىمىزنى بىلدۈرىدۇ، لېكىن بىزنىڭ ئەڭ ئاخىرىدا زادى قانچە ئادەمنى قىسقارتىدىغانلىقىمىزنى تېخى ئېنىق ئەمەس.» دەپ كۆرسەتكەن.