بۇ يىل، شىنجاڭ ئاساسى قاتلام مەمۇرلىرىنى قوبۇل قىلىش خىزمىتىدە قوبۇل قىلىش نىسبىتىنى يۇقىرى كۆتۈرۈپ، قوبۇل قىلىش شەرتلىرىنى تۆۋەنلىتىدۇ، ئاساسى قاتلامغا ئومۇميۈزلۈك يۈزلىنىپ شىنجاڭ ئاساسى قاتلام يېزا-بازارلىرىدىكى مەمۇرلار قوشۇنىنىڭ قۇرۇلمىسىدىكى ئېغىر تەڭپۇڭسىزلىق مەسىلىسى ھەل قىلىنىدۇ.
3-ئاينىڭ 18-كۈنى، مۇخبىرنىڭ شىنجاڭ ئۇيغۇر ئاپتونوم رايونلۇق ئادەم كۈچى بايلىقى ئىجتىمائىي كاپالەت نازارىتىدىن ئىگىلىشىچە، بۇ يىل، شىنجاڭ ئاساسى قاتلام مەمۇرلىرىنى قوبۇل قىلىش خىزمىتىدە ئاساسى قاتلام داۋاملىق ئاساس قىلىنىدۇ، جاپالىق چەت ياقا يېزا-بازارلاردىكى خىزمەت ئورۇنلىرىدا كەسىپ ۋە تەجرىبە تەلەپ قىلماسلىق تەدبىرى ئارقىلىق، ئىمتىھان بەرگۈچىلەر نىسبەتەن ئاز بولغان ئورۇنلاردىكى ئىمتىھان نىسبىتى تۆۋەنلىتىلىدۇ، دەرىجە ۋە تۈرگە ئايرىلغان ئىمتىھان تەدبىرى ئىلگىرى سۈرۈلۈپ، قوبۇل قىلىش شەرتى تۆۋەنلىتىلىدۇ. بۇ ئارقىلىق بوش ئورۇنلار كۆپ، مەمۇرلار قوشۇنىنىڭ قۇرۇلمىسى ئېغىر دەرىجىدە تەكشىسىز بولغان جەنۇبىي شىنجاڭدىكى ئۈچ ۋىلايەت بىر ئوبلاستتىكى شەھەر-بازار ئاساسىي قاتلام ئورگانلىرىدا مەمۇرلار ئالدىن قوبۇل قىلىنىدۇ.
