A-A+
خوتەن قاشگەرلىكىمىزدىكى تالانت ئىگىسى—كېرەم نەزەر
ئەقىدە قاشگەرلىكى شىركىتىدىن ئابلىكىم ئاۋۇت يازمىسى
خوتەن قاش ئويمىچىلىق ئۇستىسى __________ كېرەم نەزەر
1973-يىلى بۈگۈر ناھىيىسىنىڭ يېڭىسار يېزىسىدا ئۇقۇمۇشلۇق ئائىلىدە دۇنياغا كەلگەن . 2008-يىلىدىن باشلاپ چەرچەن ناھىيەسىدە قاشگەرلىك تىجارىتى بىلەن شۇغۇللانغان . شۇ جەرياندا مىللىتىمىزنىڭ ئۇزاق تارىخقا ئىگە خوتەن قاش ئويمىچىلىق مەدەنىيىتى بىلەن تۇنۇشقان ھەمدە نىمە سەۋەبتىندۇر يوقىلىپ كەتكەن ئاشۇ ئويمىچىلىق مەدەنىيىتىمىزنى قايتا گۈللەندۈرۈش ئۈچۈن مۇشۇ كەسىپنى تاللىغان.
كەسىپكە بولغان چۇڭقۇر ئىشتىياق كېرەم ئۇستامنى تىنىم تاپقۇزمىدى. قاش ئويمىچىلىق ئۈسكۈنىلىرى تۇلۇق بولمىغان ، تەلىم ئالىدىغان ئۇستاز يوق شارائىتتا ئەقلى تەپەككۇرغا ، ئىجادتچانلىق روھىغا تايىنىپ قايتا-قايتا سىناق قىلىش ، تەجرىبە ئىشلەش ئارقىلىق ئەنئەنىمىزگە ۋە زامانىۋىلىققا لايىق خوتەن قاش ئويمىلارنى ئويۇپ مول نەتىجىلەرنى قولغا كەلتۈردى .
ئۇيغۇرلارنىڭ شانلىق قاش ئويمىچىلىق تارىخىنى ۋە قاش ئويمىچىلىق مەدەنىيىتىنىڭ قىممىتىنى چوڭقۇر تونۇپ يەتكەن كېرەم نەزەر بۇ كەسىپنى تەرەققىي قىلدۇرۇپ زامانغا لايىقلاشتۇرۇش ؛ دىيارىمىزنىڭ خوتەن قاش بايلىق ئەۋزەللىكىنى ئىقتىسادىي ئەۋزەللىككە ئايلاندۇرۇشتا باشلامچىلىق رول ئويناشنى پىلانلىدى ۋە نەچچە يىللىق سىجىل تىرىشچانلىقى ئارقىلىق مىللىتىمىزدە كۆزگە كۆرۈنگەن قاش ئويمىچىلىق ئۇستىسى يوق بولۇشتەك ئۈزۈكچىلىككە خاتىمە بەردى . ئۆز ئەمەلىيىتى ئارقىلىق يوقىلىپ كەتكەن قاش ئويمچىىلىق مەدەنىيىتىمىزنى دەۋرىمىزگە ئۇلاشتا كۆۋرۈكلۈك رول ئوينىدى . دىيارىمىز قاشگەرلىگىدە 30 يىلدىن بىرى داۋاملىشىپ كىلىۋاتقان -خوتەن قاشلىرىنى خام ئەشيا سۈپىتىدىلا سېتىشتەك پاسسىپ ھالەتنى تۈگۈتۈپ ئەنئەنىمىزگە ،ئېتىقادىمىزغا ماس بولغان نەپىس قاش ئويمىغا ئايلاندۇرۇپ سېتىشقا ئۈلگىلىك ئاساس سالدى .دىمەك كېرەم ئۇستام خوتەن قاشگەرلىكىمىزگە ئۆچمەس تۆھپىلەرنى قوشتى . ئۇنىڭ بۇ تۆھپىلىرى قاشگەرلىكىمىزنىڭ تارىخ بېتىگە يېزىلغۇسى . بىز بۇنداق تالانتلىق كىشىلىرىمىزگە ھۆرمەت بىلدۈرمەي ، پەخىرلىنەلمەي تۇرالمايمىز.شۇنىڭ بىلەن بىرگە خوتەن قاشگەرلىكىمىزدە مۇشۇنداق ئىقتىدارلىق ، تالانتلىقلارنىڭ كۆپلەپ يېتىشىپ چىقىشىنى ئۈمۈد قىلىمىز .
كېرەم ئۇستام ئويغان بىر قىسىم ئويمىلاردىن ھۇزۇرلانغايسىلەر : 
2015-يىلى 6-ئاينىڭ 9-كۈنى
2015-يىلى 6-ئاينىڭ 9-كۈنى 