مەرۋايىت ھەققىدە دەسلەپكى چۈشەنچىلەر ( 4 )

ئەقىدە شىركىتى مەرۋايىت زىننەتلىرى بۆلىمىدىن ئادالەت ئابلىكىم يازمىسى

مەرۋايىت ________  پۈتۈن دۇنيا خەلقى  قەدىمدىن ھازىرغىچە ئورتاق ياخشى كۆرۈپ ئىشلىتىپ كىلىۋاتقان بىر تۈرلۈك جاۋاھىرات بولۇپ ، چىقىش ئورنىغا قاراپ تاتلىق سۇ مەرۋايىتى ۋە تۇزلۇق سۇ مەرۋايىتى دەپ ئىككى تۈرگە بۆلىنىدىغانلىقىنى ئالدىنقى ماقالىمىزدا سۆزلەپ ئۆتكەن ئىدۇق .   بىز مەزكۇر ماقالىمىزدە تۇزلۇق سۇ مەرۋايىتى ( دېڭىز مەرۋايىتى )  ھەققىدە توختىلىمىز .

تۇزلۇق سۇ مەرۋايىتىمۇ قۇلۇلە تېنىدە  يېتىلىدىغان بولۇپ ، ئادەتتە نورمال شارائىتتا  قۇلۇلە تېنىدە ئۈچ

 يىلدىن بەش يىلغىچە يېتىلگەندىن كېيىن ئايرىۋېلىنىدۇ.قۇلۇلە تېنىدە تۇرغان ۋاقتى قانچە ئۇزۇن بولسا ،مەرۋايىتلارنىڭ سۈپىتى شۇنچە ياخشى بولىدۇ يەنى ئاشۇ ئۇزۇن مەزگىلدە مەرۋايىتلار قۇلۇلە تېنىدە تەبىئى ‹ پىشىپ › يىتىلىدۇ .تۇزلۇق سۇ مەرۋايىتىنىڭ قۇلۇلە تېنىدە تۇرۇش ۋاقتى ئۇزۇن  بولغاچقا قاتلىرى كۆپ بولىدۇ.قاتلىرى كۆپ بولغاچقا ئىنتايىن پاقىراق،سۈپەتلىك،جۇلالىق ھەم نۇرانە بولىدۇ.

تۇزلۇق سۇ مەرۋايىتىنىڭ مىقدارى ناھايىتى ئاز بولۇپ ،ئادەتتە ئىككى - ئۈچ قۇلۇلىنى يارغاندا ئاندىن بىرەر تال تۇزلۇق سۇ مەرۋايىتى چىقىدۇ .

تۇزلۇق سۇ مەرۋايىتى بىپايان دېڭىز-ئوكيانلاردا قۇلۇلە تېنىدە ئۆزى تەبىئىي يېتىلگەچكە ( تۇزلۇق سۇ مەرۋايىتىنى تاتلىق سۇ مەرۋايىتىدەك سېستىمىلىق بېقىش ئىمكانىيىتى يوق )، يىغىۋېلىش قىيىن ،مىقتارى ئاز شۇنداقلا سۈپىتى ئالاھىدە ياخشى بولىدۇ.شۇ سەۋەپتىن    باھاسى قىممەت بولىدۇ ھەم   تىبابەت  ۋە گىرىم بۇيۇملىرىغا ئىشلىتىلمەيدۇ.

تۇزلۇق سۇ مەرۋايىتى ئادەتتە ئاق ، سېرىق ، قارا رەڭلەردە  بولىدۇ .مەيلى تاتلىق سۇ مارۋايىتى بولسۇن ياكى تۇزلۇق سۇ مەرۋايىتى بولسۇن  قارا رەڭلىك مەرۋايىتلارنىڭ سانى ناھايىتى ئاز بولىدۇ .يەنە ئاز ساندا كۆك رەڭدىكىلىرىمۇ ئۇچرايدۇ.

تۇزلۇق سۇ مەرۋايىتى تاتلىق سۇ مەرۋايىتىغا قارىغاندا چوڭ ، قاتلىرى كۆپ ، سۈپەتلىك بولىدۇ .

دۇنيادىكى ئەڭ چوڭ تۇزلۇق سۇ مەرۋايىتىنىڭ ئالتە كېلو ئېغىرلىقتا چىققانلىقى مەلۇم .

2015-يىلى 6-ئاينىڭ 13-كۈنى