غەيرەت ئۆمەر خەۋەر قىلىدۇ : ئاقسۇ ۋىلايىتىنىڭ ئالدىنقى يېرىم يىللىق ئىچكى ئىشلەپچىقىرىش ئومۇمىي قىممىتى 15 مىليارد 876 مىليون يۈەنگە يېتىپ، ئۆتكەن يىلىنىڭ ئوخشاش مەزگىلىدىكىدىن %12.9 ئاشتى. بۇ ، ئاپتونوم رايوننىڭ %10.5 لىك ۋە مەملىكەتنىڭ %7.5 لىك ئوتتۇرىچە سەۋىيەسىدىن يۇقىرى بولدى.

    ئاقسۇ ۋىلايىتىدە بۇ يىلنىڭ ئالدىنقى يېرىمىدا ئورۇندالغان ئىچكى ئىشلەپچىقىرىش ئومۇمىي قىممىتى ئىچىدە 1 – كەسىپنىڭ قوشۇلما قىممىتى 1 مىليارد 891 مىليون يۈەنگە يېتىپ، ئۆتكەن يىلىنىڭ ئوخشاش مەزگىلىدىكىدىن %7.2، 2 – كەسىپنىڭ قوشۇلما قىممىتى 7 مىليارد 259 مىليون يۈەنگە يېتىپ، %15، 3 – كەسىپنىڭ قوشۇلما قىممىتى 6 مىليارد 726 مىليون يۈەنگە يېتىپ، %12 ئاشتى.