ياخشى تور شىركىتى قارمىقىدىكى ئىزدە تورىدارەسمى يۇسۇندا ئىشلىتىلىۋاتقان چىچەن كىرگۈزگۈچكە دىققەت قىلىپ باقتىڭلارمۇ ؟ يىقىندا ياخشى شىركىتى چىچەن كىرگۈزگۈچىسىنىڭ كومپىيۇتېر نۇسخىسىنى رەسمى ئېلان قىلىماقچى. ھازىرچە سىناق ھالەتتە توردا ئېلان قىلغان بولۇپ، تەكلىپ-پىكىر يىغىش باسقۇچىدا تۇرماقتا. تۆۋەندە ئورگان تەرەپنىڭ بۇ ھەقتىكى خەۋىرىنى كۆرۈپ باقايلى.

ئەسسالامۇ-ئەلەيكۇم ! ئۆتكەن يىلى 8-ئايدا چېچەن ئۇيغۇرچە كىرگۈزگۈچ تور نۇسخىسى ئېلان قىلىنغاندىن كىيىن، شىركىتىمىز پۈتۈن كۈچى بىلەن تېرىشىپ چېچەن كىرگۈزگۈچ كومپىيۇتېر نۇسخسى ئىشلەشكە باشلىغان ئىدى، يېقىندا كومپىيۇتېر نۇسخىسى ئاساسىي جەھەتتىن پۈتۈپ، ئىچكى قىسىمدا بىرمەزگىل سىناق قىلىندى.

چېچەن كىرۈزگۈچنى رەسمىي يۇسۇندا تارقىتىشتىن بۇرۇن پىشقەدەملەرنىڭ ۋە كەسىپداشلارنىڭ تەكلىپ-پىكىرىنى توپلاپ، تۈزىتىشكە تېگىشلىك ئورۇنلارنى تۈزىتىپ ، خاتالىق ۋە سەۋەنلىكلەرنى ئەڭ تۆۋەن دەرىجىگە چۈشۈرۈپ ئاندىن تارقىتىش مەقسىتىدە كەسىپداشلار ئارىسىدا قىسمەن دائىرىدە تارقىتىپ تەكلىپ-پىكىر توپلىماقچى.  كۆپچىلىكنىڭ ئەستايىدىل مۇئامىلە قىلىپ ھەمدەمدە بولىشىنى سورايمىز.
پىكىر توپلاش دائىرىسى : قاچىلاش،يۇيۇش جەريانىدىكى خاتالىقلار، دېتال كۆرۈنمە يۈزىدىكى نامۇۋاپىق ئاتالغۇلار ، ئۇيغۇرچە كىرگۈزۈش ئۇسۇلى ۋە ئۇيغۇرچە-لاتىنچە ئالماشتۇرۇش، كىرگۈزگۈچ ئىقتىدارى ۋە باشقا ئىشلىتىش جەريانىدا بايقالغان مەسىلە ، ئۇچرىغان خاتالىقلار .
سىناق نۇسخىنى ئىشلەتمەكچى بولغانلارغا قويۇلىدىغان تەلەپ : ئىشلىتىش جەريانىدا بايقىغان خاتالىق ، مەسىلىلەرنى word قىلىپ تۈزۈپ ئېلخەت ئارقىلىق يوللاپ بېرىپ رەسمىي نۇسخىنىڭ تىزراق پۈتۈشىگە ياردەمدە بولىشىڭىز كېرەك . يوللىغاندا قايسى مەشخۇلات سېستىمىسى ئىشلەتكىنىڭىزنى، قانداق ئورۇندا خەت كىرگۈزۈش سىنىقى ئېلىپ بارغانلىقىڭىزنى ئەسكەرتىپ قويۇڭ!
(ئەگەر خاتالىقلارنى توپلاپ word ھۆججىتى قىلىپ ئەۋەتىشكە ۋاقتىڭىز يەتمىسە، ئىشلىتىشنى ئىلتىماس قىلماسلىقىڭىزنى سورايمىز، رەسمىي نۇسخا چىققاندا ئىشلەتسىڭىز بولىدۇ)
ئەگەر سىناش خىزمىتىگە ياردەملىشىشنى خالىسىڭىز، ھەمدە يىتەرلىك ۋاقتىڭىز بولسا  admin@yahxi.com  غا ئېلخەت يوللاپ چېچەن كىرگۈزگۈچ سىناق نۇسخىسىنى ئىشلىتىشنى ئىلتىماس قىلسىڭىز ، ئېلخەت ئارقىلىق يوللاپ بېرىمىز.

ھازىرقى نۇسخىنىڭ كۆرۈنمە يۈزى :

ئاساسلىق ئىقتىدارى :

1. ئىملا خاتالىقىدىن ساقلىنالايسىز، سۆزلۈك ئامبىرى تەجرىبىلىك كوررېكتورلارنىڭ تەكشۈرىشىدىن ئۆتكەن.
2.ئەقلىي ئىقتىدارلىق كىرگۈزگۈچ، چېچەن كىرگۈزگۈچىسى ئىشلەتكۈچىلەرنىڭ كىرگۈزۈش ئادىتىنى ئەستە ساقلايدىغان بولۇپ، كۆپ ئىشلەتكەن سۆزلىرىڭىزنى نامزات سۆزلۈك قاتارىنىڭ ئالدىنقى ئورۇنىغا تىزىپ كۆرسىتىپ بېرىدۇ.
3.يۇمشاق كۇنۇپكا تاختىسى ئورۇنلاشتۇرۇلغان، ئەگەر سىز يېڭى ئۆگەنچى بولسىڭىز يۇمشاق كۇنۇپكا تاختىسىنى قوزغىتىپ ، كۇنۇپكا تاختىسى ئارقىلىق ( ياكى كۇنۇپكا تاختىسىغا قاراپ ) خەت كىرگۈزسىڭىزمۇ بۇلىدۇ.
4. كىرگۈزۈش سۈرئىتىڭىز تېزلىشىدۇ، سىز كىرگۈزمەكچى بولغان سۆزنىڭ باش ھەرپلىرىنى كىرگۈزسىڭىزلا ، چېچەن سىزگە كىرگۈزگەن ھەرپلىرىڭىزگە ماس كېلىدىغان ، كۆپ ئىشلىتىلگەن سۆزلەرنى نامزات سۆز قىلىپ كۆرسىتىپ بېرىدۇ.
5.سۆز بىرىكمىسى كىرگۈزۈش تېخىمۇ قولايلىق ھەم تېز، مەسىلەن: ‹‹ شىنجاڭ ئۇيغۇر ئاپتونوم رايونى ›› دىگەننى يازماقچى بولسىڭىز پەقەت ‹‹ ش ۇ ا ر ›› ئىككى ھەرپنى كىرگۈزسىڭىزلا بولىدۇ، ‹‹ ئۈرۈمچى شەھىرى ›› دىگەننى يازماقچى بولسىڭىز ‹‹ ۈ ش ›› ئىككى ھەرپنى كىرگۈزسىڭىزلا بولىدۇ. ( سۆز بېرىكمىسى يازغاندا ئەمزە ‹‹ ئ ››قوشۇپ يېزىشىڭىز ھاجەتسىز )
6.كۆپ خىل كىرگۈزگۈچ ئۇسلۇبى تەمىنلەندى، ئۆزىڭىز ياقتۇرغان ئۇسلۇب، رەڭلەرنى تاللاپ ئىشلىتەلەيسىز. يەنە شىركىتىمىز تەمىنلىگەن Chichenicc ئۇسلۇب لايىھەلەش قورالى ئارقىلىق ئۆزىڭىز ياقتۇرىدىغان پاسوندىكى ئۇسلۇبلارنى ياساپ ئىشلىتەلەيسىز.
7.بىر كۇنۇپكا بىلەنلا ئەڭ يېڭى سۆزلۈك ئامبىرىنى ئىشلىتەلەيسىز، سۆزلۈك ئامبىرىنى توردا يېڭىلاشقا بولىدۇ، شىركىتىمىز سۆزلۈك ئامبىرىنى داۋاملىق تولۇقلايدۇ، سۆزلۈك ئامبىرى يېڭىلاش ئۈچۈن دېتالنى قايتا قاچىلىشىڭىز ھاجەتسىز.
8.shift كۇنۇپكىسى ئارقىلىق ئۇيغۇرچە، لاتىنچە كىرگۈزۈشنى ئالماشتۇرالايسىز، ئىنتايىن قولايلىق.
9.قاچىلاش باسقۇچى ئاددىي، قولايلىق؛ قاچىلاشتىن ئىلگىرى ياكى قاچىلاپ بولغاندىن كىيىن كومپيۇتېرىڭىزنىڭ تەڭشەكلىرىنى ئۆزگەرتىشىڭىزنىڭ ھاجىتى يوق.
نۆۋەتتىكى نۇسخىدا چوڭ-كىچىك مەسىلىلەر بولىشى مۇمكىن، كۆپچىلىكنىڭ توغرا پوزىتسىيەدە بولىشىنى سورايمىز .
سۆزلۈك ئامبىرى تەمىنلەشنى خالايدىغان ئورۇن ياكى شەخىسلەر بولسا ، سۆزلۈك بىلەن تەمىنلىشىڭلارنى قارشى ئالىمىز.
(سۆزلۈك ئىملا خاتالىقى، سۆزلۈك ئامبىرى داۋاملىق تولۇقلىنىپ ئەلالاشتۇرىلىدۇ ، ھازىرقى نۇسخىنى قاچىلىغاندا 360 قاراۋۇلى گۇمانلىق دەپ قاراپ ئەسكەرتىش بېرىدۇ، رەسمىي نۇسخىنى تارقاتقاندا بۇ مەسىلە ھەل قىلىنىدۇ)

شىركەت خادىمىنىڭ بىلدۈرىشىچە ئۇلار يەنە بىر تۈرلۈك ئۇيغۇرچە ئۇسلۇب ياساش قۇرالى تەتقىق قىلىۋاتقان بولۇپ، بىكىتىلگەن نامى chichenicc بولىدىكەن. تونۇشتۇرۇشىغا ئاساسلانغاندا ئىشىلتىشمۇ ئىنتايىن قولايلىق بولۇپ، ئۆز ئالدىمىزغا ھەرخىل ئۇسلۇبلارنى ياساپ ئىشلىتەلەيدىكەنمىز. مېنىڭچە بۇمۇ بىر ياخشى تۈر بولۇپ، چىچەن كىرگۈزگۈچنىڭ ئەل ئارىسىدىكى قىزغىنلىقىنى تېخىمۇ يۇقىرى كۆتۈرگۈدەك.

chichenicc نىڭ كۆرۈنمە يۈزىدىن بىر پارچە

ياخشى تور پەن-تېخنىكا چەكلىك شىركىتى
ئادرېس : ئۈرۈمچى شەھىرى يەنئەن يولى 154 – نومۇر جىلى سودا ئىشلىرى بازىسى 205-ئىشخانا
شىركەت ئېلخەت ئادرىسى : admin@yahxi.com

ياخشى شىركىتى قارمىقىدىكى داڭلىق بىكەتلەر

ياخشى ئۇلىنىشى | ياخشى فىلىم تورى | ئىزدە تورى | ئىزدە خەۋەر قانىلى | مۇزىكا تورى | چىچەن كىرگىزگۈچ ھەققىدە