چاشقان : يەرلىك نوپۇس ، پولات زاۋۇتىدا ئىشلىگەن چاغدا ، بىر قىسىم پولات ماتېرىياللىرىنىڭ ئىگىدارچىلىق ھوقۇقىنى ئۆتكۈزىۋالغان ، كېچىلىك ئىسمىنىغا كۆنۈپ كەتكەن ، ئۈچ چاقلىق ھارۋا ھەيدىيەلەيمەن ، ئىجتىمائىي رايون مۇلازىمەتچىلىكى ، ئائىلە ئوقۇتقۇچى قاتارلىق خىزمەتلەرنى قىلغۇم بار .

كالا : تېنىم ساغلام ، جاپاغا چىدايمەن ، كېچىلىك ئىسمىنىدا ئىشلەشتە چاتاق يوق ، ئىلگىرى كۆپ قېتىم ئەمگەك نەمۇنىچىسى شەرىپىگە ئېرىشكەن ، دۆلەت ئىگىلىكىدىكى كارخانىلاردا ئىشلەش ئارزۇيۇم بار ، شەخسى شىركەتتىكىلەر ئاۋارە قىلماڭ .

يولۋاس : تەققى – تۇرقۇم قاملاشقان ، بۇرۇن << سۇ بويىدا >> فىلىمىدا باش رولغا چىققان . ھازىر بىر نەچچە داڭلىق مەھسۇلاتنىڭ ئوبراز ئەلچىسى ، مۇناسىۋەت دائىرەم كەڭرى . خەلقئارالىق شىركەتلەرنىڭ ئوبراز ئەلچىسى بولسام دەيمەن .

توشقان : تەنھەرىكەت ماھىرى ، بۇرۇن ناھىيە دەرىجىلىك قىسقا مۇساپىلىك مۇسابىقىدە تاشپاقا بىلەن بەسلىشىپ ئىككىنچى بولغان . شاخلىتىپ سېتىش شىركىتىدە ئىشلىگەن مەزگىلدە ، ئۇرۇق – تۇغقانلىرىمنى ئۆز سېپىمگە كىرگۈزۈشكە قوشۇلمىغانلىقىم ئۈچۈن ، شىركەتتىن ھەيدەلگەن . ھەرقانداق يۈگۈر – يېتىم ئىشلارنى قىلالايمەن .

ئەجدىھار : يۇقىرى دەرىجىلىك كادىرنىڭ پەرزەنتى ، دۆلەت ئىگىلىكىدىكى كارخانىدا ئۇزۇن يىل رەھبەرلىك خىزمىتىنى ئۆتىگەن . مۇشۇنىڭغا ئوخشاش خىزمەتنى قىلسام دەيمەن ، ئىجرائىيە ئەمەلدارلىقىدىن تۆۋەن خىزمەت بولسا ئاۋارە قىلماڭ .

يىلان : داڭلىق قىزلار ئۇنۋېرسىتىتىنىڭ ئەلىيۇلئەلاسى ، سودا باشقۇرۇش كەسپىنىڭ ماگىستىرى ، تاشقى قىياپىتىم سەنئەتكارلارغا ئوخشاپ كېتىدۇ ، تەكشىلىكتە لايىھىلەشكە ماھىر ، تىببىي مەھسۇلاتلارنى سېتىش كەسپى بىلەن بىر مەزگىل شۇغۇللانغان ، بەدەن مەشىقى كۇرسى ئاچقان ، ئورۇقلىتىش مەھسۇلاتلىرىنىڭ ئېلانىغا چىققان ، قانداق خىزمەت بېرىشنى ئۆزىڭىز بەلگىلەڭ .

ئات : يۈك ماشىنىسىنىڭ B پراۋىسى بار ، ئىلگىرى ئۇزۇن يىل كىچىك ماشىنا ھەيدىگەن ، دۆلەت ئىگىلىكىدىكى كارخانىلارنىڭ ئىچكى ئەھۋالىنى پىششىق بىلىمەن ، كارخانىلارنىڭ ئالىي مەسلىھەتچىلىك خىزمىتى ئىزدەيمەن .

قوي : تىرىشچان. ئاساسى قاتلام باشقۇرۇش تەجرىبىسىگە ئىگە ، كوللىكتىپچانلىق روھىي كۈچلۈك ، تاغ ۋە تىك قىياغا يامىشىش ، ئۆڭكۈرلەرنى تەكشۈرۈشكە ماھىر . ساياھەت كوپېراتىپىدا ئىشلەش ئارزۇيۇم بار .

مايمۇن : چىقىشقاق ، يېڭىلىق يارىتىشقا ماھىر ، ئوقىۋاتقان مەزگىلدە ، ئوقۇغۇچىلار ئۇيۇشمىسىنىڭ كادىرى بولغان ، مەكتەپ رەھبەرلىكىگە بارلىق سىتۇدېنتلارغا ۋاكالىتەن ، چۈشتىن بۇرۇن تۆت سائەت ، چۈشتىن كېيىن ئۈچ سائەت دەرس ئۆتۈلسە ئۆگىنىش بېسىمى ئېشىپ كېتىدىغانلىقىنى ئىنكاس قىلىپ ، مەسلىھەتلىشىش ئارقىلىق چۈشتىن بۇرۇن ئۈچ سائەت ، چۈشتىن كېيىن تۆت سائەت دەرس ئۆتۈشكە كېلىشكەن . مەمۇرلۇقتىن خىزمەت ئىزدەيمەن .

توخۇ : << پەپس كولا >> لوڭقىسىنى تالىشىش مۇسابىقىدە ئاياللار گۇرۇپپىسى بويىچە مەملىكەت چېمپىيونى بولغان ، ئائىلىگە كۆيۈنىمەن ، نەۋرە ئاكام مەلۇم گېزىت تەھرىراتىنىڭ ئوبراز ئەلچىسى . ئېلانچىلىق ئىشلىرىدىن خىزمەت ئىزدەيمەن .

ئىت : بىرگە ماھىر كۆپكە قادىر تالانت ئىگىسى ، ئىلگىرى مەكتەپتە مۇنازىرىلىشىش مۇسابىقىسىدە بىرىنچى بولغان ، ئامانلىق ساقلاش ئەترىتىنىڭ باشلىقى ، خۇسۇسى كارخانىنىڭ ھۆددىگىرى بولغان ، ئىنكاسىم تېز ، خىزمەت ئورنۇمنى قەدىرلەيمەن . دېرىكتور ياردەمچىلىكىدىن خىزمەت ئىزدەيمەن .

توڭگۇز : مۇلايىم ، بەدەن ئېغىرلىقىم ئۆلچەمدىن ئېشىپ كەتكەن ، يەنى << مەن كۆرۈمسىز بىراق بەك ئوماق >> تىپىدىكىلەردىن . ئىشتىن قېلىشتىن بۇرۇن يېزا – بازار كارخانىسىدا ئىجرائىيە ئەمەلدارى بولغان ، باشقا تەلىپىممۇ يوق ، قورسىقىم تويسىلا بولدى .