سۈيدۈكتىن زەھەرلىنىش كېسىلى بىر قەدەر ئېغىر كېسەل. 

ئەگەر تۆۋەندىكى ئالامەتلەر كۆرۈلسە، سۈيدۈكتىن زەھەرلىنىپ، بۆرەك ئىقتىدارىنىڭ ئاجىزلاشقانلىقىنى بالدۇر بايقىغىلى بولىدۇ. 

1. ماغدۇرسىلىنىش:  ماغدۇرسىزلىنىش بۇ كېسەلنىڭ ئەڭ ئاۋۋالقى ئىپادىسى ھېسابلىنىدۇ. ئادەتتە بۇنىڭغا سەل قارىلىدۇ. چۈنكى ماغدۇرسىزلىقنى پەيدا قىلىدىغان سەۋەبلەر ناھايىتى كۆپ. بۇنداق چاغدا دوختۇرخانىغا بېرىپ سۈيدۈك ۋە قاننى تەكشۈرتۈش كېرەك.

2. ئىششىق: ئەتىگەندە ئورنىدىن تۇرغاندا كۆز قاپىقى ئىششىپ قوپۇش، چۈشتىن كېيىن ئىششىق يېنىش؛ ھېرىپ-چارچاشتىن كېيىن ئىككى پۇت ئىششىش، ئازراق دەم ئالغاندىن كېيىن ئىششىق يېنىش ئالامەتلىرى سۈيدۈكتىن زەھەرلەنگەنلىكىنىڭ ئىپادىسى. ھەر كۈنى ئەتىگەندە ئورنىدىن تۇرۇپ ئەينەككە قاراپ يۇقىرىقى ئەھۋاللارغا دىققەت قىلىش كېرەك.

3. چىراي سارغىيىش: سۈيدۈكتىن زەھەرلەنگەندە ئادەمنىڭ چىرايى سارغىيىپ كېتىدۇ. چۈنكى سۈيدۈكتىن زەھەرلەنگەندە قان ئازىيىپ كېتىدۇ-دە، چىراي سارغىيىدۇ. بۇنداق كېسەللىك ئالامىتىنى قىسقا ۋاقىت ئىچىدە بايقىغىلى بولمايدۇ.

4. تېرە قىچىشىش: بۇنى تېرىنىڭ قۇرغاقلىشىش، سۆسۈن داغ قاتارلىقلار كەلتۈرۈپ چىقارغان.

5. ئىشتىھا تۇتۇلۇش: سۈيدۈك زەھىرى يىغىلىپ قېلىپ، بەدەننىڭ ھەزىم قىلىش ئىقتىدارىغا تەسىر يەتكۈزگەندە ئىشتىھا تۇتۇلۇپ، تاماققا كۆڭلى تارتماس بولۇپ قالىدۇ.