تىزىملىك ئىقتىدارى (Menus) بولسا wordpress نىڭ ئالاھىدە تىلغا ئېلىشقا ئەرزىيدىغان ئىقتىدارى، بۇ ئارقىلىق سىز ئۆزىڭىز باشلىغۇچى تىزىملىكنى ئىختىيارىڭىزچە قوشالايسىز ياكى ئېلىپ تاشلىيالايسىز. مەلۇم سەھىپىنى، ئىچكى-تاشقى ئۇلانمىنى ياكى مەلۇم بەتنى تىزىملىككە ئۇلاپ قويالايسىز، ئۇسلۇبىڭىزدا بۇنداق ئىقتىدار بولسا سىزگە ئاز بولمىغان قولايلىق ئېلىپ كېلىدۇ، مەسىلەن مەن يېزىپ چىققان Prestan Simple 2 ئۇسلۇبىدا تۇغ ئۈستى ۋە ئاستى ئايرىم-ئايرىم ئىككى خىل تىزىملىك بار. سىز پەقەت تۆۋەندىكى 2 قەدەمنى ئوڭۇشلۇق باسسىڭىز تىزىملىك ئىقتىدارى ئۇسلۇبىڭىزدا پەيدا بولىدۇ.

بلوگىڭىزغا تىز سۈرئەتتە بلوگ ئاستىغا چۈشۈش، ئۈستىگە قايتىش ۋە ئىنكاس يېزىش رايۇنىغا بېرىش كونۇپكىسىنى قوشۇپ قويسىڭىز زىيارەتچىلەرگە ئاز بولمىغان قولايلىقلارنى ئېلىپ كېلەلەيسىز. زىيارەتچىلەر بىرلا بېسىپ بلوگنىڭ ئەڭ ئاستىغا، يەنە بىرلا بېسىپ ئەڭ ئۈستىگە قايتالايدۇ، ئەڭ مۇھىم يازما بېتىدە بىر كونۇپكا بىلەن ئىنكاس رايونىغا بارالايدۇدە سىزنىڭ يازمىڭىزغا ئۈماق باھادىن بىرنى قالدۇرۇپ كېتىپ قالىدۇ، ئۈنىمىنى مەزكۇر بلوگنىڭ ئوڭ تەرىپىدىن كۆرۈۋېلىڭ، ئۇنداقتا بىز ئىشنى باشلايلى.

HTML ھالەتتىكى يازما يېزىش رايونىغا ئۆزىمىز بەلگىلىگەن كۇنۇپكىنى بەلگىلەپ قويساق بەزىدە بىزگە ئاز بولمىغان قولايلىقلارنى ئېلىپ كېلىدۇ، مەسلەن سىز كۆپ ئىشلىتىدىغان مەلۇم بىر جۈملىنى ياكى رەسىم قىستۇرۇش كودىنى بىر كۇنۇپكا بىلەنلا يازما يېزىش رايونىغا پەيدا قىلالايسىز. ئەگەر سىز مەن بەك ھورۇن كۇنۇپكا باسمىساممۇ يازما يېزىش رايونىدا مەلۇم بىر جۈملە خەت پەيدا بولۇپ تۇرسۇن دېسىڭىز مەن بۇندىن بۇرۇن يازغان «WordPress يازما يېزىش رايونىغا سۈكۈتتىكى خەتنى قوشۇش» دېگەن يازمامنى كۆرسىڭىز بولىدۇ.

يازما يېزىش رايونىغا سۈكۈتتىكى خەتنى قوشۇش ئىقتىدارىنىڭ نېمىگە لازىم بولىدىغانلىقىنى بىلمىدىم، ئەمما ھەر بىر يازمغا ئوخشاش خەت قوشىدىغان كىشلەر ئۈچۈن مەنچە بۇ بولىدىغان ئۇسۇل ئىكەن، بۇنداق ئىقتىدار قوشۇش ئۈچۈن جىق ئىشمۇ كەتمەيدىكەن. پەقەت سىز تۆۋەندىكى كودنى ئۇسلۇبىڭىزنىڭ fonction.php ھۆججىتىنى ئېچىپ ئەڭ ئاستىدىكى < ? بەلگىسىنىڭ ئۈستىگە چاپلاپ قويسىڭىزلا بولىدۇ، ئەمدى يېڭى يازما يېزىپ بېقىڭ. خەنچە خەت سىزگە قالدى.

ككۆپىنچە بلوگلارنىڭ يان بۆلىكىدە مەلۇم ۋاقىت ئىچىدىكى ئەڭ يېڭى يازما، ئەڭ كۆپ ئىنكاس يېزىلغان يازما ۋە تەلەيلىك يازمىلار (ئىختىيارى ئالمىشىپ چىقىدىغان يازما) نىڭ بارلىقىنى كۆرىسىز. بۇ خىل ئىقتىدارنى ھەرخىل قىستۇرمىلار ئارقىلىق چىقارغىلى بولىدۇ، ئەمما مەن قىستۇرمىسىز چىقىرىشنى تەۋسىيە قىلىمەن. تۆۋەندىكى كود ئارقىلىق سىز يۇقىردا سۆزلەپ ئۆتكەن 3 خىل ئۈنۈمگە تەڭلا ئېرىشەلەيسىز. ئەگەر سىزمۇ بلوگىڭىزنىڭ بۇنداق ئىقتىدارى بولىشىنى خالىسىڭىز تۆۋەندىكى كودنى ئۇسلۇبىڭىزنىڭ fonction.php ھۆججىتىنى ئېچىپ ئەڭ ئاستىدىكى < ? بەلگىسىنىڭ ئۈستىگە چاپلايسىز.

ئۇيغۇربەگنىڭ ئۇسلۇبىنى ئۆزگەرتىش جەريانىدا ئاكتىپ ئىنكاسچىلارنىڭ باش سۈرئىتىنىڭ ئاستىغا دەرىجىسىنى كۆرسىتىدىغان تاياقچە ئورۇنلاشۇرغان ئىدۇق، بىر قانچە دوستلار بۇنداق ئىقتىدارنى قانداق چىقارغانلىقىمىزنى، ئۆزىنىڭمۇ بۇنداق ئىقتىدارنى قوشقۇسىنىڭ بارلىقىنى ئېيىتتى، بۇ يازمىدا مۇشۇ ئىقتىدارنى قوشۇش ھەققىدە توختىلىمەن.

بلوگىڭىزدىكى زىيارەتچىلەرنىڭ باھاسىغا سىز جاۋاب قايتۇرسىڭىز، ئاپتوماتلىق ئېلىكترونلۇق خەت ئەۋەتىدۇ، زىيارەتچىلەر بۇ خىل ئىقتىدار ئارقىلىق ئۆزىگە قايتقان جاۋابنى دەل ۋاقتىدا كۆرەلەيدۇ، ھەمدە بلوگىڭىزغا ئاز بولمىغان ئېقىم ئېلىپ كېلىدۇ.

كۆپىنچە مۇنبەرلەردە «سىز كۆرمەكچى بولغان مەزمۇن ئىنكاس يازغاندىن كېيىن كۆرۈنىدۇ» دېگەندەك خەتلەرنى ئۇچرىتىمىز، زىيارەتچىلەر ئىنكاس يېزىپ بولغاندىن كېيىن يۇشۇرۇن مەزمۇن كۆرۈنىدۇ. ئىزدەپ باقسام WordPress كىمۇ شۇنداق ئىقتىدارنى قوشقىلى بولىدىكەن، ئەگەر سىزمۇ شۇنداق ئىقتىدارغا مۇھتاج بولسىڭىز ئۇسلۇبىڭىزغا تۆۋەندىكى كودنى قوشسىڭىز بولىدۇ.

كوپىيوتېرىمىزدا php مۇھىت پۈتۈنلەي ھازىر بولۇپ بولغاندىن كېيىن، PHP+MySQL لىق پروگرامما بولغان WordPress نى قاچىلاپ سىناپ باقساق بولىدۇ. ئەگەر سىز كومپىيوتېرىڭىزدا php مۇھىتى ھازىرلاپ بولالمىغان بولسىڭىز، «WAMP Server يۇمشاق دېتالى ئارقىلىق Windows تا PHP مۇھىتى ھازىرلاش» بۇ يازمامغا قاراڭ.

ئەسلىدىكى ئۇسلۇبنى تەخمىنەن بىر يىلنىڭ ئالدىدا بىر چەتئەللىكنىڭ ئۇسلۇبى ئاساسىدا ئۆزگەرتىپ لايىھەلىگەن ئىدىم، بۇ قېتىم ئۇيغۇربەگ تور تۇراسىنىڭ بوشلۇقىنى كۆچۈپ بولۇپ ئۇسلۇبقا قايتا تۇتۇش قىلىش قارارىغا كېلىپ قالدۇق. بىر قانچە كۈنلۈك تۈزىتىش رەتلەش ئارقىلىق ئۇيغۇربەگ تۇرايىنىڭ ئۇسلۇبىنى يېڭىلاپ چىقتىم، يەنى ئەسلىدىكى كۆرۈنۈش ۋە ئىقتىدارلارنى ساقلاپ قالغان ئاساستا ئۇسلۇبنى قايتا يېزىپ چىقتىم.