بۇرۇنقى ئۇسلۇبلاردا بەت ئۆرۈش ئۈچۈن wp-pagenavi قىستۇرمىسىنى ئىشلىتەتتى، مەن ئۆزۈم قىستۇرمىغا بەكلا سەزگۈر، ئامال بولسا قىستۇرما ئىشلەتمىسەم دەيمەن، چۈنكى قىستۇرما بلوگنىڭ ئېچىلىش سۈرئىتىگە تەسىرى بار. ئەلۋەتتە ھەممىمىز بلوگىمىز شاق-شاق قىلىپ ئېچىلسا دەيمىز، ئۇنداقتا قىستۇرمىسىز بەت ئۆرۈش ئىقتىدارىنى قوشۇپ قويايلى. بۇ ئۇسۇلنى مەن بلوگ يېزىشقا باشلىغاندىن تارتىپ ئىشلىتىپ كېلىۋاتىمەن، شۇڭا بۈگۈن دوستلارغا تەۋسىيە قىلىپ قوياي.

ئالدىنقى يازمىدا «wordpress تە باشبەت يازمىلارنىڭ بەت نومۇرىنى كۆرسىتىش» ھەققىدە توختالغان، بۇ يازمىدا بولسا مەلۇم يازمىدىكى ئىنكاسلارنىڭ بارلىق بەت نومۇرىنى كۆرسىتىشنى كودى ھەققىدە توختالماقچى. Prestan Simple2 ئۇسلۇبىدا ئىنكاسلارنى بەتكە بۆلۈش ئىقتىدار سەپلەنگەن، دېمەك شۇ ئۇسلۇبقا مۇشۇ ئىقتىدارنى ئىشلەتسىڭىز بولىدۇ دېگەن گەپ.

«wordpress تە بارلىق بەتنى نومۇرىنى كۆرسىتىش» بۇ نېمە دېگەن گەپ ئەمدى؟ بۇ دېگىنىمىز بلوگىڭىزنىڭ ئاستىدا بەت ئۆرۈش رايونى بولىدۇ، يەنى 1-بەت، 2-بەت، ...، دېگەندەك، دەل شۇ ئورۇندا بارلىق بەت نومۇرىنى كۆرسىتىش دېگەنلىك. بۇرۇن ئۇيغۇربەگ تور تۇراسىدا شۇنداق بەت ئۆرۈش ئۈنۈمى بار ئىدى، كېيىن باشقا خىلدىكى بەت ئۆرۈش ئىقتىدارنى سەپلىگەن.