ئەسلىدىكى ئۇسلۇبنى تەخمىنەن بىر يىلنىڭ ئالدىدا بىر چەتئەللىكنىڭ ئۇسلۇبى ئاساسىدا ئۆزگەرتىپ لايىھەلىگەن ئىدىم، بۇ قېتىم ئۇيغۇربەگ تور تۇراسىنىڭ بوشلۇقىنى كۆچۈپ بولۇپ ئۇسلۇبقا قايتا تۇتۇش قىلىش قارارىغا كېلىپ قالدۇق. بىر قانچە كۈنلۈك تۈزىتىش رەتلەش ئارقىلىق ئۇيغۇربەگ تۇرايىنىڭ ئۇسلۇبىنى يېڭىلاپ چىقتىم، يەنى ئەسلىدىكى كۆرۈنۈش ۋە ئىقتىدارلارنى ساقلاپ قالغان ئاساستا ئۇسلۇبنى قايتا يېزىپ چىقتىم.
ئاساسلىق ئۆزگەرتكەن جايلار:
1. ئىنكاسقا ئىنكاس قايتۇرۇش ئورنى، ئەسلى قىستۇرما ئارقىلىق ئەمەلگە ئاشاتتى، بۇ قېتىم قىستۇرمىسىز ئەمەلگە ئاشىدىغان قىلىندى.
2. يان بۆلەك قىسىمىنى پۈتۈنلەي قايتىدىن يېزىپ چىقتىم، بۇرۇن php لىق كودنى يەنى google نىڭ ئېلانلىرىنى، ئاكتىپ ئىنكاسچىلارنى قىستۇرما ئارقىلىق ئەمەلگە ئاششۇرغان، بۇ قېتىم قىستۇرمىنى ئېلىپ تاشلىۋەتتىم.
3. بلوگ ئاستى قىسىمىنى قايتىدىن يېزىپ چىقتىم، بەگ ئىككىمىزنىڭ قىسقىچە تەرجىمالى قوشۇپ قويدۇم.
4. قالغانلىرى كىچىك ئۆزگەرتىشلەر، كېتىپ بېرىپ ئالدىرماي ئۆزگەرتىۋالمەن.
ئەسكەرتىپ قويۇشقا تېگىشلىك ئالاھىدە بىر ئىش، بۇ قېتىمقى ئۆزگەرتىلگەن ئۇسلۇب IE6 نى قوللىمايدۇ، IE6 نى ئىشلىتىپ تورغا چىقۋاتقان دوستلارغا تېزدىن توركۆرسىنىڭ نەشرىنى يۇقۇرلىتىشىنى تەۋسىيە قىلىمەن.
