29-مارت نۇرغۇن ساياھەتچى پىچان ناھىيەسىگە ئوينىغىلى كەلدى، قۇمتاغ باغچىسىدا ساياھەتچىلەرنىڭ ئايىغى ئۈزۈلمىدى.
پىچان ناھىيەسى ئۈرۈمچى شەھىرىگە 280 كىلومېتىر كېلىدىغان بولۇپ، پىچاندا قۇمتاغ باغچىسى، تۇيۇق ئۆرۈك چېچىكى، لۈكچۈن تارىخىي مەدەنىيەت ساياھەت رايونى قاتارلىق مەنزىرە نۇقتىلىرى بار. ھەر يىلى مارتنىڭ ئوتتۇرىلىرىدىن كېيىن پىچان ساياھىتى كۈنسېرى جانلىنىشقا باشلايدۇ.
ئىگىلىنىشىچە، 21-مارتتىن 28-مارتقىچە بولغان 6-نۆۋەتلىك پىچان ‹‹قۇملۇقتا باھار›› ساياھەت مەدەنىيەت بايرىمى مەزگىلىدە پىچان ناھىيەسى جەمئىي 50 مىڭ 300 ساياھەتچى(ئادەم/قېتىم)نى كۈتۈۋېلىپ، 8 مىليون 60 مىڭ يۈەن كىرىم قىلغان.