خەلق تورى ئۇيغۇرچە قانىلىنىڭ 13-فېۋرال بېيجىڭدىن بەرگەن تېلېگراممىسى: مۇخبىرنىڭ ئۈرۈمچى شەھەرلىك تاموژنىدىن ئىگىلىشىچە، 5-فېۋرال قولغا چۈشۈرگەن 9.56 توننا كارانتىن قىلىنمىغان ئەتكەس قوي - كالا گۆشىگە رەسمىي دېلو تۇرغۇزۇلغان.

　　ئىگىلىنىشىچە، 30-يانۋار، ئالتاي تاموژنىسى ئۈرۈمچى تاموژنىسىنىڭ ئەتكەسچىلىككە زەربە بېرىش ئىدارىسى مەلۇم قىلغان يىپ ئۇچىغا ئاساسلىنىپ، پورتنىڭ چېگرىدىن چىقىش يولىدىن «چېگرىغا ئۈسۈپ كىرگەن» موڭغۇلىيەنىڭ يۈك ماشىنىسىنى 20 كىلومېتىردەك قوغلاش ئارقىلىق ، ماشىنىدىن ئەتكەس يول ئارقىلىق چېگرىدىن كىرگەن 9.54 توننا توڭلىتىلغان قوي كالا گۆشىنى ۋە بىر نەپەر موڭغۇلىيەلىك جىنايەت گۇماندارىنى قولغا چۈشۈرگەن.

بۇنىڭ ئىچىدە 1.12 توننا كالا گۆشى، 8.44 توننا قوي گۆشى بولۇپ، بۇ ئۈرۈمچى تاموژنىسىنىڭ 2015-يىلى تۇنجى قېتىم تەكشۈرۈپ قولغا چۈشۈرگەن ئەتكەس قوي - كالا گۆشى دېلوسى شۇنداقلا 2014-يىلى 12-ئايدىن بۇيان « رايونىدىكى قوي - كالا گۆشى ئەتكەسچىلىك دېلولىرىغا مەخسۇس زەربە بېرىش ھەرىكىتى» قانات يايدۇرۇلغاندىن بۇيانقى تۇنجى دېلو.