ئىراق ئەربىل ئۆلكىسىنىڭ باشلىقى نەۋزاد ھادى مەۋلۇد 5-فېۋرال، ئىراقنىڭ كۇرد ئاپتونوم رايونىنىڭ مەركىزىي شەھىرى ئەربىل شەھىرىدىكى بىر مېھمانخانىغا شۇ كۈنى كەچتە ئوت كېتىپ، 17 كىشى قازا قىلغان، 10 كىشى يارىلانغانلىقىنى ئېيتتى.

     ھادى شۇ كۈنى ئەربىل شەھىرىدە ئۆتكۈزۈلگەن ئاخبارات ئېلان قىلىش يىغىنىدا، يارىدارلارنىڭ دوختۇرخانىغا ئېلىپ بېرىلىپ داۋالىنىۋاتقانلىقىنى، ئوت كېتىش سەۋەبىنىڭ تەكشۈرۈلۈۋاتقانلىقىنى ئېيتتى.

     ئىسمىنى ئاشكارىلاشنى خالىمىغان ئىراق بىخەتەرلىك ئەمەلدارىنىڭ ئېيتىشىچە، قازا قىلغانلارنىڭ كۆپىنچىسى چەتئەللىكلەر ئىكەن. ئىراق كۇرد ئاپتونوم رايونىنىڭ نېفىت بايلىقى مول، بىخەتەرلىك ۋەزىيىتى باشقا رايونلارغا قارىتا نىسبەتەن مۇقىم ئىكەن، شۇڭا نۇرغۇن چەتئەل پۇقرالىرى بۇ رايوندا خىزمەت قىلىدىكەن.