تورى خەۋىرى لەگلەك تورى تەرجىمىسى. ئامېرىكىنىڭ ئەدلىيە مىنىستىرىئېيرىك خولدېر شۇ جاي ۋاقتى 11 - يانۋار پارىژدا يېقىندىن بېرى پارىژدا ئۇدا بىر قانچە قېتىم تېرورلۇق ھوجۇمى يۈز بەرگەچكە ئامېرىكىنىڭ ئىتتىپاقداشلىرىنى 18 - فېۋرالۋاشىڭتوندا ئېچىلىدىغان تېرورلۇققا قارشى چۇققا يىغىنىغا قاتنىشىشقا تەكلىپ قىلغانلىقىنى بىلدۈردى .

پارىژدا پائالىيەتكە قاتنىشىۋاتقان ئامېرىكىنىڭ ئەدلىيە مىنىستىرى ئېيرىك خولدېرنىڭ ئېيتىشىچە ، ئامېرىكا ئىتتىپاقداشلىرىنى تەكلىپ قىلىپ 18 - فېۋرال ۋاشىڭتوندا تېرورلۇققا قارشى چۇققايىغىنى ئۆتكۈزۈپ ، پۈتۈن دۇنيا دائىرىسىدە زوراۋان ئەسەبىيلىككە قانداق قىلىپ زەربە بېرىش توغرىسىدىكى مەسىلىلەرنى مۇزاكىرە قىلىدىكەن . ئەمما ئۇ چوققايىغىنىغا قاتناشقۇچىلار ۋە يىغىن كۈنتەرتىپى قاتارلىقلارغا ئالاقىدار ئۇچۇرلارنى ئاشكارلىمىدى .

بۇنىڭدىن ئىلگىرى ، ئېيرىك خولدېر كانادا ئاممىۋىي بىخەتەرلىك مىنىستىرى ستېفېن بلانېي ۋە ياۋروپا ئىتتىپاقىغا ئەزا دۆلەتلەر ئىچكى ئىشلار مىنىستىرلىرى بىلەن فرانسىيەنىڭ ئىچكى ئىشلار مىنىستىرلىقىدا تېرورلۇققا قارشى يىغىن ئۆتكۈزگەن ئىدى .

يىغىن ئاياقلاشقاندىن كېيىن ، فرانسىيەنىڭ ئىچكى ئىشلار مىنىستىرى كارزىنوف يىغىندا چىقىرىلغان ئورتاق باياناتنى جاكارلىدى . باياناتتا ئېيتىلىشىچە، يىغىنغا قاتناشقان دۆلەتلەر تېرورلۇققا قارشى كۆرەشنى كۈچەيتىشنى قارار قىلغان ھەمدە ئىنتېرتېت تىجارىتى قىلىدىغان تارماقلار بىلەن ھەمكارلىق ئورنىتىش ، توردا ئۆچمەنلىكنى قۇترىتىدىغان ۋە تېرورلۇق ھوجۇمقوزغاشنى كۈشكۈرتىدىغان ئۇچۇرلارنى تېز سۈرئەتتە چىقىرىۋېتىشنىڭ ئىنتايىن زۆرۈرلىكىنى بىلدۈرگەن . يىغىندا يەنە ياۋروپا ئىتتىپاقىغا ئەزا دۆلەتلەرنىڭ تاشقى چېگرالىرىغاقارىتا نازارەت قىلىپ كونترول قىلىشنى كۈچەيتىش ، دۆلەت پۇقرالىرىنىڭ بىر قىسىم ئوتتۇرا شەرق دۆلەتلىرىگە بېرىپ ئۇرۇشقا قاتنىشىپ ، ئارقىدىن يەنە ياۋروپاغاقايتىپ كېلىپ دۆلەتنىڭ بىخەتەرلىكىگە خەۋپ ئېلىپ كېلىشىنىڭ ئالدىنى ئېلىش قارار قىلىندى .

يېقىندا ، پارىژدا كۆپ قېتىم تېرورلۇق ھوجۇمى يۈزبېرىپ ، كۆپلىگەن كىشىلەرنىڭ ئۆلۈشىنى كەلتۈرۈپچىقاردى . بۇنىڭ ئىچىدىكى بىر قېتىملىق تېرورلۇق ھوجۇم ۋەقەسى 7 - يانۋاردا يۈز بەرگەن بولۇپ ، ئىككى قوراللىق ئۇنسۇر
" چارلى ھەپتىلىك ژۇرنىلى " تەھرىراتىنىڭ باش شىتابىغا ھوجۇم قىلىپ ، 12 ئادەمنىڭ قازا قىلىشى ، 11 ئادەمنىڭ يارىلىنىشىنى كەلتۈرۈپ چىقاردى . بۇ فرانسىيەدە يېقىنقى يېرىم ئەسىردىن بۇيان يۈز بەرگەن تالاپەتكە ئۇچرىغانلار سانى ئەڭ كۆپ بولغان تېرورلۇق ھۇجۇم ۋەقەسى ئىكەن . 

لەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :LEGLEK