ئەنگىلىيە «كۈندىلىك پوچتا گېزىتى» نىڭ 2-ئاينىڭ 5-كۈنىدىكى دوكلاتىغا قارىغاندا، ئاۋىستىرالىيەدە 44 ياشلىق يەلكەنلىك تېيىلىش تاختىيى ماھىرى نەچچە كۈن بۇرۇن بىر قېتىملىق رېكورت يارىتىدىغان جەڭ ئېلان قىلغان. ئۇ ئوڭۇشلۇق ھالدا پۇرتۇگالىيە دولقۇن يۈزىدە تېيىلىش مۇقەددەس جايىدىكى 13 مېتىر ئېگىىزلىكتىكى غايەت زور دولقۇن ئۈستىدىن غەلبە قىلغان.

      ئىگىلىنىشىچە، جاسون پولاكوۋ 2-ئاينىڭ 2-كۈنى، پۇرتۇگالىيەنىڭ نازارە دېڭىز ساھىلىدا بۇ جەڭ ئېلان قىلىشنى تاماملىغان. مۇناسىۋەتلىك رەسىملەردىن كۆرۈشكە بولىدۇكى، ئوتتۇرا ياشلىق جاسون يەلكەنلىك تېيىلىش تاختىسى بىلەن بىر گەۋدە بولغان بولۇپ، ھېچقانداق قورقۇنچ يوق ھالدا 13 مېتىر ئېگىزلىكتىكى غايەت زور دولقۇننى بويسۇندۇرغان.

        ئۇنىڭ ئېيتىشىچە، ئۇنىڭ 18 ياش ۋاقتىدىلا ئاۋىستىرالىيەدە بۇ جەھەتتە داڭقى چىققان ۋە بىر مۇسابىقىدە چېمپىيون بولغان. كېيىن جاسون بۇ كەسىپتىن چىقىپ كەتكەن ۋە ئۆزى يالغۇز دۇنيانىڭ ھەرقايسى جايلىرىدىكى چوڭ دولقۇنلارغا جەڭ ئېلان قىلىش پۇرسىتى ئىزدەپ يۈرگەن. بۇ قېتىملىق جەڭ ئېلان قىلىشتىن بۇرۇن بۇ كىشى يېتەرلىك تەييارلىق قىلغان. ئۇ توپتوغرا بىر يىل بۇ يەردىكى دولقۇننى كۆزىتىش ۋە تەتقىق قىلىش ئارقىلىق 10 نەچچە مېتىر ئېگىزلىكتىكى دولقۇننى بويسۇندۇرالايدىغانلىقىغا ئىشەنچ قىلغان.