28-دېكابىر ئۈرۈمچىدە ھاۋا ئوچۇق بولۇپ، يۇقىرى تېمپېراتۇرا ℃1.8، تۆۋەن تېمپېراتۇرا ℃7.3- بولدى

   28-دېكابىر مەركىزىي شەھەر ئۈرۈمچىدە ئەڭ يۇقىرى تېمپېراتۇرا ℃2قا ئۆرلىدى، بۇ كۈنى 22-دېكابىر چىللە كىرگەندىن كېيىنكى 4-كۈن بولۇپ، ئۈرۈمچىدە ئەڭ يۇقىرى تېمپېراتۇرا نۆلدىن يۇقىرى بولدى. شەرقىي جەنۇب شامىلىنىڭ تەسىرىدە بۇ يىللىق چىللە يىللارغا قارىغاندا ئ ىللىق بولدى.

   ئىگىلىنىشىچە، بۈگۈن كېچىدە چىقىدىغان شەرقىي جەنۇب شامىلى «مەخپىي ھەرىكەت» قىلىدىكەن، بۇنىڭ تەسىرىدە مۇشۇ ھەپتىدىكى قالغان ۋاقىتتا تۇمانلىق ھاۋارايى بىر قەدەر كۆپ كۆرۈلۈپ، كۈندۈزدىكى ئەڭ يۇقىرى تېممېراتۇرا تەستە ℃0تىن يۇقىرى بولىدىكەن، ئەتىگەن ۋە كەچتىكى تۆۋەن تېمپېراتۇرا  ℃10-ئەتراپىدا بولىدىكەن.

    ئۈرۈمچى شەھەرلىك مېتېئورولوگىيە ئىستانسىسىنىڭ باشلىقى ۋاڭ جيەننىڭ ئېيتىشىچە، ئىسسىق-سوغۇقنىڭ مۇھىم پەرقى تۈپەيلى چىللە كىرگەندىن كېيىن جەنۇبىي شەھەر ئەتراپى رايونلىرىدا ئۇدا نەچچە كۈن شەرقىي جەنۇب بورىنى چىققان. 24-دېكابىر شەھەر مەركىزىي رايونىدا تەتۈر تېمپېراتۇرا قاتلىمى ئاجىزلىشىپ، شەرقىي جەنۇب بورىنى شەھەر رايونىغا يۆتكەلگەن. شۇنىڭغا ئەگىشىپ ئەڭ يۇقىرى تېمپېراتۇرا بىردىنلا℃4.6قا چىقىپ، قىش كىرگەندىن بۇيانقى يۇقىرى تېمپېراتۇرا رېكورتىنى بۇزغان. 25-دېكابىر تېمپېراتۇرا℃0.3 قا چۈشكەن، 26-دېكابىر تېمپېراتۇرا قايتا ئۆرلەپ ℃3.1قا چىققان. 27-دېكابىرىدىكى تۇمانلىق ھاۋارايىنىڭ تەسىرىدە تېمپېراتۇرا℃1.9- چۈشكەن. تۈنۈگۈنكى كۈنلۈكتە ئەڭ يۇقىرى تېمپېراتۇرا يەنە℃2قا ئۆرلىگەن.