فرانسىيە نۇپۇزلۇق تاراتقۇسى «كوماندا گېزىتى» باھلاپ چىققان Boulards d'Or مۇكاپاتىدا، فرانسىيەنىڭ پارىژ سانت گېرمان كوماندىسدا توپ تېپىدىغان شىۋىتسىيەلىك داڭلىق ھۇجۇمچى «سېھىرلىك مۇنار» ئىبراھىموۋىچ چېلسى كوماندىسىنىڭ مەشقاۋۇلى مورىنىھو ۋە خان جەمەتى مادرىد چولپىنى كىرىستىئانو رونالدو ئۈستىدىن غالىپ كېلىپ بىرىنچى بولدى. بۇ «ئۆزىنى چوڭ تۇتۇش، مەنمەنچى ۋە ئۆزىگە مەسئۇل بولۇش» تىپىدىكى مۇكاپات تۈرى بولۇپ، تەنتەربىيە مۇنبىرىدىكى ھەرقايسى ماھىرلارغا توپ مەستانىلىرى بېلەت تاشلاپ باھالاپ چىقىدۇ. بۇ مۇكاپاتنىڭ دائىرسى يەنە مەشقاۋۇلنىمۇ ئۆز ئىچىگە ئالىدۇ. 2015-يىللىق تەنتەربىيە مۇنبىرىدىكى «مەنمەنچى» رەت-تەرتىپتە ئىبراھىموۋىچ بىرىنچى ئورۇنغا تىزىلغان. بۇ ئىككىنچى قېتىملىق تاللاش بولۇپ، بىرىنچى قېتىملىق  Boulards d'Or چېمپىيونى بولسا ئىلگىرى بارسېلونا كوماندىسدا توپ تەپكەن قارا قاپلان ئېتىئو، بۇ قېتىملىق چېمپىيون رىقابىتى ئىبراھىموۋىچ بىلەن مورىنىھو ئوتتۇرسدا بولغان. ئىبراھىموۋىچ 73 مىڭ 654 بېلەتكە ئېرىشكەن. مورىنىھو 73 مىڭ 28 بېلەتكە ئېرىشىپ ئىككىنچى بولغان. كىرىستىئانو رونالدو 52 مىڭ 114 بېلەتكە ئېرىشىپ ئۈچىنچى ئورۇنغا تىزىلغان. ئالدىنقى ئۈچ نەپىرى پۇتبول ساھەسىدىن تاللانغان. ئامېرىكىلىق دۇنيا بوكس شاھى مايۋەزېر 33 مىڭ 322 بېلەتكە ئېرىشىپ تۆتىنچى بولغان. يەنە تېننىس توپ ۋە NBA ماھىرىمۇ ئالدىنقى TOP10 نىڭ ئىچىگە كىرگەن.