يېقىندا گېرمانىيەدىكى ساقچى دائىرىلىرى بەش نەپەر كورىيەلىكنى قولغا ئالغان بولۇپ، ئۇلار بىر مېھمانساراي ئىچىدە 41 ياشلىق «جىن چاپلىشىۋالغان» بىر ئايالنى ئۇرۇپ ئۆلتۈرۈپ قويغانلىقى ئۈچۈن شىكايەت قىلىنغان.  تاراتقۇلارنىڭ خەۋىرىگە قارىغاندا، بۇ بەش نەپەر كورىيەلىك كىشى ئۇلارنىڭ قېرىندىشىنىڭ بەدىنىگە جىن چاپلىشىۋالغانلىقىغا ئىشىنىدىغان بولۇپ، ئۇنىڭ بەدىنىدىكى «جىن» نى قوغلىۋېتىش ئۈچۈن، كارىۋاتقا باغلاپ ئىككى سائەتتەك قاتتىق ئۇرغان.

       گېرمانىيە فرانىكفۇت رايونىنىڭ تەپتىش ئەمەلدارى مۇنداق دېدى: ئۇلارنىڭ قىلمىشى ئىنتايىن قەبىھ بولۇپ، مەن ئەزەلدىن بۇنداق ئىشنى كۆرۈپ باقمىغان. نۆۋەتتىكى ئەھۋالدىن قارىغاندا، زىيانكەشلىككە ئۇچرىغۇچى ئىككى سائەتتىن ئارتۇق قاتتىق ئازاب تارتقان.

      ئۆلگۈچىنىڭ جەسىتى ئالدىنقى ھەپتە ئۇ تۇرۇشلۇق مېھمانساراي ئىچىدىن تېپىۋېلىنغان بولۇپ، ۋەقەگە چېتىشلىق كىشى ئايرىم-ئايرىم ھالدا 44 ياشلىق بىر ئايال، ئۇنىڭ 21 ياشلىق ئوغلى، 19 ياشلىق قىزى ۋە باشقا ئىككى نەپەر 15 ياشلىق ئۇغۇل بالا، ئۇنىڭ ئىچىدىكى بىر ئوغۇل بولسا ئۆلۈپ كەتكۈچىنىڭ بالىسى. بۇ بەش كىشى قەستەن ئادەم ئۆلتۈرۈش جىنايىتى بىلەن قولغا ئېلىندى.

    جەسەت تەكشۈرۈش دوكلاتىدا كۆرستىلىشچە، قەستكە ئۇچرىغۇچىنىڭ كۆپرەك قىسمى ئېغىر دەرىجىدە بېسىمغا ئۇچرىغان ۋە بويۇن قىسمى ئېغىر يارىلانغان، ئالتە ھەپتىنىڭ ئالدىدىلا گېرمانىيەگە بارغان ئىكەن.