چېلسى ئالدىنقى ھەپتە ئاخىرىدا بىرلەشمىدە 3-1 نەتىجىدە ساندىرلەنىدنى مەغلۇپ قىلدى، يېڭى ترېنېر ھىدنىك سىتەنفورد كۆۋرۈكى نەق مەيدانىدا بۇ مەيدان مۇسابىقىنى كۆردى. «قۇياش گېزىتى» نىڭ ئاشكارلىشىچە، ھىدنىك ۋەزىپىگە تەيىنلەنگەندىن كېيىن كۆك قوشۇننىڭ سابىق ترېنېرى مورىنھو بىلەن كۆرۈشكەن، ئۇ مورىنھودىن نۆۋەتتىكى چېلسىنىڭ تېخىمۇ كۆپلىگەن ئەھۋالىنى چۈشىنىشنى ئۈمىد قىلغان.

    ھىدنىك ئىلگىرى 2009-يىلى 2-ئايدا چېلسىنىڭ ۋاقىتلىق ترېنېرى بولغان، ئۇ شۇندىن كېيىنكى يېرىم پەسىلدە كوماندىنى يىتەكلەپ ھەممە بىرلەشمە لوڭقىسى چېمپىيونلۇقىغا ئېرىشكەن ھەمدە ياۋروپا ئۇزغۇنلۇق مۇسابىقىسى ئويناش سالاھىيىتىگە ئېرىشكەن. ئەمما ئەينى ۋاقىتتىكىگە سېلىشتۇرغاندا، نۆۋەتتە چېلسىدا پەقەت تېررى، ئىۋانوۋىچ، مىكېل ئۈچلا كونا توپچى بار، ئۇنىڭ ئۈستىگە بۇ ئۈچ نەپەر توپچىنىڭ مۇشۇ پەسىلدىكى ئىپادىسى ئانچە ياخشى ئەمەس، ھىدنىك تېخىمۇ كۆپلىگەن توپچىنىڭ ئەھۋالىنى چۈشىنىشكە مۇھتاج.

«قۇياش گېزىتى» ھىدنىك مورىنھونى لوندون بېركىلېي مېھمانخانىسىغا تەكلىپ قىلىپ بىللە غىزالاندى، ئىككىسى كۆك قوشۇننىڭ نۆۋەتتىكى ھالىتى توغرىسىدا سۆھبەتلەشتى، مورىنھومۇ قىلچىمۇ يوشۇرماي كوماندىنىڭ تەپسىلىي ئەھۋالىنى ھىدنىكقا تونۇشتۇردى دەپ خەۋەر قىلدى. شۇنداق دېيىشكە بولىدۇكى، بۇ قېتىملىق سۆھبەتنىڭ ھىدنىكنىڭ چېلسىنى يىتەكلىشىگە ياردىمى بولىدۇ، ھەم مورىنھونىڭ كۆك قوشۇنغا كۆرسەتكەن ئەڭ ئاخىرقى تۆھپىسى دېيىشكە بولىدۇ.

    تۇنجى قېتىم چېلسىنى قۇتقۇزغان ۋاقىتتىكىگە سېلىشتۇرغاندا، نۆۋەتتە ھىدنىك دۇچ كەلگەن قىيىنچىلىق تېخىمۇ چوڭ. 2009-يىلى ئۇ چېلسىنى ئۆتكۈزۈۋالغاندا رەت-تەرتىپتە تۆتىنچى ئورۇندا ئىدى، ھازىر چېلسىنىڭ دەرىجە چۈشۈش رايونى بىلەن بولغان پەرقى پەقەت ئۈچ نومۇر، ياۋروپا ئۇزغۇنلۇق سالاھىيىتى رايونىدىن 11 نومۇر پەرق بار، بۇ قېتىم ھىدنىكنىڭ مۆجىزە يارىتىشى تېخىمۇ تەس. بەلكىم ئۇنىڭغا نىسبەتەن ئېيىتقاندا، كېيىنكى قەدەمدە كوماندىنى يىتەكلەپ لوڭقا مۇسابىقىسىنى ياخشى ئويناش تېخىمۇ رىئال تاللاش بولىشى مۇمكىن.

ئەلۋەتتە، بۇ خىل ئىككى ترېنېر ئارىسىدىكى دوستانە سۆھبەت پەقەت ھىدنىك ۋە مورىنھوغىلا خاس ئەمەس، كلوپ 10-ئايدا روجىستىن لىۋېرپولنى ئۆتكۈزىۋالغاندىن كېيىن، ئىككىسىمۇ ئايرىم سۆھبەتلەشكەن. مەيلى قانداقلا بولسۇن كەسىپداش، پەقەت ئۆز ئارا زىددىيەت بولمىسىلا، ئۇنداقتا يېڭى ترېنېرنىڭ كونا ترېنېردىن مەسلىھەت ئېلىپ كوماندىنىڭ ئەھۋالىنى ئىگەللىشى نورمال ئەھۋال.