لەگلەك تورى تەرجىمىسى جوڭگو كوممۇنىستىك پارتىيىسى مەركىزى كومىتېتى سىياسىي بيۇروسى 5 - ئاينىڭ 26 - كۈنى يىغىن ئېچىپ شىنجاڭنىڭ مۇقىملىقنى تېخىمۇ ئىلگىرى سۈرۈش توغرىسىدا توختالدى  . يىغىنغا جوڭگۇ كوممۇنىستىك پارتىيىسى مەركىزى كومىتىتىنىڭ سېكىرتارى شىجىنپىڭ رىياسەتچىلىك قىلدى  . 

يىغىندا زوراۋان تېرورلۇق ھەرىكىتىگە زەربە بىرشنى مۇھىم ئورۇنغا قويۇش ، دىنىنى ئەسەبىي كۈچلەرنىڭ سىڭىپ كىرىپ زوراۋان تېرورلۇق ھەرىكەتلىرى يۈز بىرشىنى توسۇش ئوتتۇرىغا قويۇلدى  . يىغىندا يەنە ئالاھىدە ئۇسۇللارنى قوللىنىپ جەنۇبىي شىنجاڭنىڭ تەرەققىياتىنى ئىلگىرى سۈرۈش ، مۇقىملىقنى تېخىمۇ ئىلگىرى سۈرۈش ئۈچۈن شىنجاڭدىكى ھەرقايسى مەكتەپلەرنىڭ ئوقۇتۇش سۈپىتىنى ياخشىلاش ، جەنۇبىي شىنجاڭدا ھەقسىز تولۇق ئوتتۇرا مائارىپنى يولغا قويۇش كېرەك دەپ كۆرسەتتى  .

زوراۋان تېرورلۇق ھەرىكىتىگە زەربە بىرىشنى كۆرەشنىڭ مۇھىم نۇقتىسى قىلىش 

يىغىندا شىنجاڭ خىزمىتى پارتىيە ۋە دۆلەت خىزمىتىدە مۇھىم ئىستىراتېگىيلىك رول ئوينايدۇ ، شىنجاڭدىكى بۆلگۈنچىلىككە قارشى كۆرەشنىڭ ئۇزاق مۇددەتلىكى ، قالايمىقانلىقى ، ئۆتكۈرلىكىنى چوڭقۇر تونۇپ ، شىنجاڭنىڭ مۇقىملىقى ۋە ئەبەدىل ئەبەت تىنچ ئامانلىقىنىڭ مۇھىملىقىنى تونۇپ شىنجاڭ خىزمەتنىڭ مۇھىم نۇقتىسنى جەمىيەت مۇقىملىقغا قويۇش كېرەك دەپ كۆرسەتتى  .

يىغىندا مىللىي بۆلگۈنچىلىك پائالىيىتىگە قارشى تۇرۇپ قانۇن بويىچە زەربە بىرىش ، مىللەتلەر ئىتتىپاقلىقى ۋە دۆلەتنىڭ بىرلىكنى قوغداش . زوراۋان تېرورلۇق ھەرىكىتىگە زەربە بىرىشنى ھازىرقى كۆرەشنىڭ مۇھىم نۇقتىسى قىلىش ،  دىننىي ئەسەبىي كۈچلەرنىڭ سىڭىپ كىرىپ زوراۋان تېرورلۇق پائالىيەتلىرىنىڭ يۈز بىرشىنى توسۇپ شىنجاڭنىڭ ئەبەدىي ئامانلىقى ئۈچۈن ھەر تۈرلۈك خىزمەتلەرنى ياخشى ئىشلەش كېرەك دەپ كۆرسەتتى  .

جەنۇبىي شىنجاڭدا ھەقسىز تولۇق ئوتتۇرا مائارىپنى يولغا قويۇش 

يىغىندا خەلىق تۇرمۇشىدا ئىلمىي تەرەققىياتنى ئىلگىرى سۈرۈپ ئىشقا ئورۇنلاشتۇرۇشنى بىرىنچى ئورونغا قويۇش . مائارىپنى ئالدىنقى ئورۇنغا قويۇپ شىنجاڭدىكى ھەرقايسى مەكتەپلەرنىڭ ئوقۇتۇش سۈپىتىنى يۇقىرى كۆتۈرۈپ ، چارۋىچىلىق رايۇنى ۋە چەت يەرلەردە ياتاقلىق مەكتەپ قۇرۇشنى تېزلىتىپ جەنۇبىي شىنجاڭدا ھەقسىز تولۇق ئوتتۇرا مائارىپنى يولغا قويىدۇ . تەرەققىيات نەتىجىسى ۋە ھەر مىللەت ئاممىسىغا ئېتىبار قىلىشتا چىڭ تۇرۇپ خەلق تۇرمۇشى قۇرۇلۇشىنىڭ سالمىقىنى ئاشۇرۇپ ، خەلققە پايدىلىق قۇرۇلۇش تۈرلىرىنى قۇرۇلۇشىنى تېزلىتىش ، بايلىقلارنى ئېچىش ۋە پايدىلىنىشتا يەرلىك ھۆكۈمەتنىڭ قاتنىشىش سالمىقىنى ئاشۇرۇش ، شىنجاڭنىڭ سىرتقا ئېچىۋېتىش قەدىمىنى تېزلىتىش كېرەك دەپ كۆرسەتتى  .

چېگرا رايون مۇقىملىقنى قوغداش قۇرلۇشنى كۈچەيتىش 

            يىغىندا يېڭىچە جەمىيەت باشقۇرۇشنى كۈچەيتىش ، تور بىخەتەرلىك نازارىتىنى كۈچەيتىش ، قانۇن بىلىملىرىنى تەشۋىق قىلىش ، مەخسۇس زەربە بىرىش تۈر پائالىيىتىنى قانات يايدۇرۇپ " ئۈچ خىل كۈچ " كە قاتتىق زەربە بىرىش ، ئۈنۈملۈك ھالدا زوراۋان تېرورلۇق پائالىيەتلىرى كۆپلەپ يۈز بىرىشى ۋە ئىچكىرىگە تارىلىشىنىڭ ئالدىنى ئېلىش كېرەك دەپ كۆرسەتتى 

             يىغىندا ئالاھىدە ئۇسۇللارنى قوللىنىپ جەنۇبىي شىنجاڭنىڭ تەرەققىياتىنى ئىلگىرى سۈرۈش ، نامرات ئاممىنى مەركەز قىلىپ خەلق تۇرمۇشىنى ياخشىلاش سالمىقىنى ئاشۇرۇش . بىڭتۇەنلەر چېگرا رايون مۇقىملىق قۇرۇلۇشىنى كۈچەيتىپ دۆلەتنىڭ بىرلىكنى قوغداش ، مىللەتلەر ئىتىپاقىنى قوغداش ، شىنجاڭنىڭ مۇقىملىقنى قوغداشتەك ئالاھىدە رولىنى جارى قىلدۇرۇش كېرەك دەپ كۆرسەتتى  .