جۇڭگو ئاخبارات تورى خەۋىرى: ئامېرىكا زۇڭتۇڭى ئوباما مۇشۇ ھەپتىنىڭ ئاخىرى ئافرىقىدىكى ئىككى دۆلەتنى زىيارەت قىلىدۇ، ئۇ شۇ يەر ۋاقتى 24-ئىيۇل ئالدى بىلەن دادىسىنىڭ يۇرتى بولغان كېنىيەگە بارىدۇ. بۇ، ئوبامانىڭ ئامېرىكا زۇڭتۇڭى بولغاندىن بۇيان تۇنجى قېتىم «ئۆيىگە قايتىشى» ھېسابلىنىدۇ. ئۇ ئالدىنقى قېتىم 2006-يىلى كېنىيەگە بارغان بولۇپ، ئۇ چاغدا پارلامنېت كېڭەش ئەزاسى ئىدى. نۆۋەتتە، ئوبامانىڭ سۈرەتلىرى كېنىيە كوچىلىرىدىكى تاملارغا، ئاپتوبۇسلارغا، تورتلارغا، تاختايلارغا چۈشۈرۈلۈپ، ئۇنى قارشى ئېلىش كەيپىياتى شەكىللەندى.