جاھان ئاگېنتلىقى 19-ماي خەۋىرى؛ لەگلەك تورى تەرجىمىسى: ياۋرۇپا ئىتىتپاقى تاشقى ئىشلار مىنىستىرلىرى ۋە مۇداپىئە مىنىستىرلىرى ئاق دېڭىزدا ئادەم ئەتكەسچىلىكىگە قارىتا ھەربىي ھەرىكەت باشلاشنى ماقۇللىدى. ياۋرۇپا ئىتتىپاقى ئالى ۋەكىلىFederica Mogherini ، پىلانلىق ھەرىكەتنىڭ ئاخبارات توپلاش، ئەتكەسچىلەرنىڭ پاراخوتلىرىنى بايقاش ۋە ۋەيران قىلىش قاتارلىق ئۈچ باسقۇچ بويىچە بولىدىغانلىقىنى بىلدۈردى. بۇ ھەرىكەت ياۋرۇپا ئ‍ىتتىپاقى رەھبەرلىرىنىڭ ئىيۇندىكى يىغىنىدىن كېينلا رەسمى باشلىنىدىغان بولۇپ، ھەرىكەت جەريانىدا پاراخوتلارنىڭ ۋەيران قىلىنىشى قاتارلىق بارلىق باسقۇچلارنىڭ ئىجرا قىلىنىدىغانلىقى ، ۋە بىرلەشكەن دۆلەتلەر تەشكلاتى خەۋىپسىزلىك كېڭىشىدىن بۇ ھەقتە ياردەم سورايدىغانلىقى بىلدۈرۈلدى. بۇ ھەرىكەتتە لىۋىيە تەرەپنىڭ ئۆز مەسئۇلىيتىنى ئادا قىلىشى كۈتۈلمەكتە. ياۋرۇپا ئىتتىپاقى تاشقى ئىشلار ۋە مۇداپىئە مىنىستىرلىرى يىغىنىغا شىمالى ئاتلانتىك ئەھدى تەشكىلاتىنىڭ باش كاتىب جېنس ستولتىنبروگمۇ قاتناشقان بولۇپ، بۇ ھەرىكەتكە ياردەم تەلەپ قىلىنغان ئەھۋالدا ياردەم بېرىدىغانلىقىنى بىلدۈردى. بۇ ھەرىكەتكە دەسلەپتە 11 مىليون 800 مىڭ ياۋرۇ مەبلەغ توپلانغان بولۇپ، ئىتالىيە، فرانسىيە، ئەنگلىيە، گېرمانىيە ۋە ئىسپانىيە ئۇرۇش پاراخوتلىرى بىلەن قاتنىشىدىغانلىقنى بىلدۈرگەن. بىرلەشكەن دۆلەتلەر تەشكىلاتى مۇساپىرلار ئالى كومىتىتىنىڭ ئېيتشىىچە، ياۋرۇپاغا بېرىش ئۈچۈن يولغا چىققان كۆچمەنلەر پاراخوتلىرىنىڭ چۆكۈپ كېتىشى نەتىجىسىدە ئاق دېڭىزدا يۈز بەرگەن پاجىئەلەردە ئۆتكەن يىلى ئاز دىگەندە 3 مىڭ 500 كىشى ئۆلگەن، بۇ يىل بولدا 1 مىڭ 800 كىشى ھاياتىدىن ئايرىلغان.