جاھان ئاگېنتلىقى 23-فېۋرال خەۋىرى؛ لەگلەك تورى تەرجىمىسى: ئىسرائىلىيە تاشقى ئىشلار مىنىستىرى لىبېرمان مەھبۇسلارغا ئۆلۈم جازاسى بېرىشنى تەكىتلەپ،«چۈنكى پەلەستىنلىك مەھبۇسلار كەلگۈسىدىكى بىرەر مەھبۇس ئالماشتۇرۇشتا قۇيۇپ بېرىلىشىدىن خاتىرجەم ۋە تۈرمىدە يېتىپ ئۇنىۋېرستىتتا ئوقۇيالايدۇ» دېدى. ئىسرائىلىيە تاشقى ئىشلار مىنىستىرى ئاۋىگدور لىبېرمان، سدەروت مەھەللىسىدىكى زىيارىتى ئارلىقىدا غەززە چېگرىسىدىكى بىر تۆپىلىكتە سۆز قىلىپ؛ پەلەستىنلىك مەھبۇسلارنىڭ قۇيۇپ بېرىلىشىنى ئەيىپلەپ، «بىزنىڭ ئەسلى مەسىلىمىز تېرورچىلارنى ئەركىن قۇيۇپ بېرىش ۋە خاماسنىڭ يىلتىزىنى قۇرۇتۇش بۇيرۇقىنى بەرمىگەنلىكىمىزدۇر» دېدى. لىېبرمان يەنە، «خاماس مەسىلىسىنى ھەل قىلماستىن ئىران ھەققىدە سۆز قىلمايمىز» دېدى، ئۇ ئۆلۈم جازاسىنى قوللاپ، «پەلەستىنلىك مەھبۇسلار چۈنكى كەلگۈسىدە بىرەر مەھبۇس ئالماشتۇرۇشتا قويۇپ بېرىلىشىدىن خاتىرجەم بولماقتا ۋە تۈرمىدە يېتىپ ئۇنىۋېرستىتتا ئوقۇيالايدۇ. بۇ ئەسنادا ئۇلارنىڭ ئائىلىلىرىگە پەلەستىن ھۆكۈمىتى تەرىپىدىن تولۇقلىما بېرىلىۋاتىدۇ» دەپ سۆز قىلدى.

لىبېرمان يەنە، ئىئوردانىيەنىڭ ئىراق ۋە شام ئىسلام دۆلىتىنىڭ پلوتلىرىنى كۆيدۈرۈپ ئۆلتۈرۈش ھەرىكىتىنى ماختاپ، «بۇ ۋەقەنى ئاخىرلاشتۇرۇشنى خالىسا ئىسرائىلىيەنىڭ كۈتكىنىمۇ بۇ» دېدى لىبېرمان باش مىنىستىر بۇنيامىن نىتانىياخۇنى ئىران يادرو پائالىيەتلىرى ھەققىدە پەقەت ئېغىزىدا سۆز قىلغانلىقىنى ئەيىپلەپ، «ئىش سۆزدە ئەمەس، ھەرىكەتتە» دەپ ئىپادە بىلدۈردى. لىبېرمان ئىسرائىلىيەدە 17-مارتتا ئۆتكۈزىلىدىغان پارلامېنت سايلىمىغا ئۆزى قۇرغان «ئىسرائىلىيە ئۆيىمىز» پارتىيسىنىڭ رەھبىرى بولۇپ كىرىدۇ.