ئۈرۈمچى شەھەرلىك ساختا، قانۇنغا خىلاپ ئېلانلارنى تۈزەپ تەرتىپكە سېلىش خىزمىتى رەھبەرلىك گۇرۇپپىسى يېقىندا بۇ يىللىق 2- قېتىملىق ساختا، قانۇنغا خىلاپ ئېلانلارنى تۈزەپ تەرتىپكە سېلىش بىرلەشمە يىغىنىنى ئاچتى. يىغىندا ئۈرۈمچى شەھەرلىك پارتكوم تەشۋىقات بۆلۈمى ئاخبارات ئىشخانىسى، سەھىيە ئىدارىسى، يېمەكلىك ۋە دورا نازارەتچىلىكى ئىدارىسى، مەدەنىيەت ئىدارىسى، ج خ ئىدارىسى، رادىيو - تېلېۋىزىيە ئىدارىسى قاتارلىق ئورۇنلار بۇ يىللىق ساختا، قانۇنغا خىلاپ ئېلانلارنى تۈزەپ تەرتىپكە سېلىش خىزمىتىنى قانات يايدۇرۇش ئەھۋالىدىن دوكلات بەردى، شۇنداقلا داۋاملىق قانات يايدۇرۇش توغرىسىدىكى پىلانى ۋە قىيىن نۇقتىلار توغرىسىدا مۇھاكىمە يۈرگۈزدى.

ئىگىلىنىشىچە، بۇ قېتىملىق بىرلەشمە يىغىن ئارقىلىق ھەرقايسى ئەزا ئورۇنلار داۋاملىق ھەمكارلىق مېخانىزمى رولىنى جارى قىلدۇرۇپ، بىرلىكتە تورلاشقان ئېلان نازارەت قىلىش سىستېمىسىنى قۇرۇپ، زامانىۋى ئۇچۇر سەھنىسىنى ھازىرلاپ، نۆۋەتتىكى ساختا، قانۇنغا خىلاپ ئېلانلارنى تۈزەپ تەرتىپكە سېلىش خىزمىتىنىڭ ئۈنۈمىنى يۇقىرى كۆتۈرۈشكە كاپالەتلىك قىلىپ، ئۈرۈمچىدىكى ئېلان بازىرىنىڭ داۋاملىق تەرتىپلىك راۋاجلىنىشىنى ئىلگىرى سۈرىدىكەن.