ئىز تورى-爱智网

　　  جۇڭگو ئۇيغۇرچە رادىيو تورى 27-ئاپرىل بېيجىڭ خەۋىرى: جامائەت خەۋپسىزلىكى مىنىستىرلىقىنىڭ مۇئاۋىن مىنىستىرى جاڭ شىنفېڭ 26-ئاپرىل نەنچاڭدا ئېچىلغان مەملىكەت بويىچە قۇرامىغا يەتمىگەن شىنجاڭلىق ئۆسمۈرلەرنى ئالداپ، چاڭگىلىغا كىرگۈزۈۋېلىش جىنايىتىگە زەربە بېرىش مەخسۇس خىزمەت يىغىنىدا مۇنداق دېدى: ھەر قايسى جايلاردىكى جامائەت خەۋپسىزلىك تارماقلىرى قۇرامىغا يەتمىگەن شىنجاڭلىق ئۆسمۈرلەرنى ئالداپ، چاڭگىلىغا كىرگۈزۈۋېلىش جىنايىتىنىڭ پەردە ئارقىسىدىكى تەشكىللىگۈچى، كونترول قىلغۇچىلىرىغا قاتتىق زەربە بېرىپ، ئالداپ ئېلىپ قېچىلغان، جىنايى ئىشلارغا سېلىنغان قۇرامىغا يەتمىگەن شىنجاڭلىق ئۆسمۈرلەرنى پۈتۈن كۈچى بىلەن قۇتۇلدۇرۇپ، يۇرتىغا قايتۇرۇشى كېرەك. جاڭ شىنفېڭ تەكىتلەپ مۇنداق دېدى: جايلاردىكى جامائەت خەۋپسىزلىك تارماقلىرى مۇشۇ خىلدىكى جىنايەتنىڭ ئېغىرلىقى، زىيانلىقلىقىغا بولغان تونۇشىنى ئۆستۈرۈپ، شىنجاڭنىڭ مۇقىملىقىنى قوغداش نۇقتىسىدىن چىقىش قىلىپ تۇرۇپ، ئەستايىدىل تەشكىللەپ، پۇختا قەدەم بىلەن ئىلگىرىلەپ، بۇ مەخسۇس زەربە بېرىش ھەرىكىتىنى ياخشى تەشكىللەپ، قانات يايدۇرۇشى كېرەك. شۇنىڭ بىلەن بىرگە خەلق ئىشلىرى تارماقلىرى بىلەن ماسلىشىپ، قۇرامىغا يەتمىگەن شىنجاڭلىق سەرگەردانلارنى يۇرتىغا قايتۇرۇش ۋە قۇتقۇزۇپ ياردەم بېرىش، قوغداش خىزمىتىنى ياخشى ئىشلەش كېرەك.   تەرجىمان: ئەنۋەر ئەركىن