شىنخۇا تورى لومې 27 -ئاپرېل تېلېگراممىسى : 27–ئاپرېل ، توگو پايتەختى لومېدا ئارمىيە–خەلق نامايىش ئۆتكۈزۈپ ، دۆلەت مۇستەقىللىقى جاكارلانغانلىقىنىڭ 51 يىللىقىنى تەبرىكلىدى .
توگو زۇڭتۇڭى فورې قاتارلىق ھۆكۈمەت ئەمەلدارلىرى ، توگودا تۇرۇشلۇق ھەر قايسى دۆلەتلەرنىڭ ئەلچىلىرى ، توگودىكى ھەر ساھە ئامما بولۇپ 10 مىڭغا يېقىن ئادەم نامايىشقا قاتناشتى .
توگودىكى ئاساسلىق ئۆكتىچى پارتىيە ‹‹ ئۆزگەرتىش كۈچى بىرلەشمىسى ›› نىڭ ۋەكىللەر ئۆمىكىمۇ ھۆكۈمەت تەرەپ ئۇيۇشتۇرغان مۇستەقىللىق بايرىمى پائالىيىتىگە تۇنجى قېتىم قاتناشتى . ئىگىلىنىشىچە ،بۇ پارتىيە ئۆتكەن يىلى 4–مارت ئۆتكۈزۈلگەن زۇڭتۇڭ سايلىمىدىن كېيىن فورې تەشكىللىگەن يېڭى نۆۋەتلىك ھۆكۈمەتكە قوشۇلغان .
توگو 1960–يىلى 27–ئاپرېل مۇستەقىللىق جاكارلىغان بولۇپ ، نامى توگو جۇمھۇرىيىتى قىلىپ بېكىتىلگەن .
