ئىراننىڭ ھەربىي پاراخوتى سۇۋەيش قانىلىدىن ئۆتمەكتە
فىرانسىيە ئاخبارات ئاگېنتلىقى خەۋىرى : مىسىر قانال باشقۇرۇش تارمىقىنىڭ ئەمەلدارىنىڭ ئاشكارلىشىچە ، ئىراننىڭ ئىككى ھەربىي پاراخوتى 22–فېۋرال سۇۋەيش قانىلىدىن ئۆتۈپ ، ئوتتۇرا دېڭىزىغا قاراپ يۈرۈپ كەتكەن .
خەۋەر قىلىنىشىچە ، مىسىر ھۆكۈمىتى 18–فېۋرال ئىران ھەربىي پاراخوتىنىڭ سۇۋەيش قانىلىدىن ئۆتۈپ ، ئوتتۇرا دېڭىزىغا كىرىشىگە قوشۇلغان بولۇپ ، بۇ ئىران پاراخوتلىرىنىڭ 1979–يىلىدىن بۇيانقى تۇنجى قېتىم سۇۋەيش قانىلىدىن ئۆتۈشى ئىكەن . ئىران ھەربىي پاراخوتى سۇۋەيش قانىلىدىن ئۆتۈشى ئۈچۈن 290 مىڭ فوندستېرلىڭ تاپشۇرغان . خەلق پۇلىغا سۇندۇرساق 3 مىليون 90 مىڭ يۈەن بولىدىكەن .
ئىران ئەمەلدارىنىڭ دېيىشىچە ، بۇ ئىككى ھەربىي پاراخوت سۈرىيەگە بېرىپ ، مەشىققە قاتنىشىدىكەن . ئىسرائىلىيە دىپلوماتىيە مىنىستىرى ئاۋىگدور لېبېرمان ئىراننىڭ سۇۋەيش قانىلىدىن ئۆتۈشى ئىغۋاگەرچىلىك قىلمىشى دەپ ئەيىبلىدى .
سۇۋەيش قانىلى دۇنيادىكى ئەڭ مۇھىم قاناللارنىڭ بىرى بولۇپ ، ئوتتۇرا دېڭىز بىلەن قىزىل دېڭىزنى تۇتاشتۇرىدۇ . بۇ قانال 1858–يىلىدىن 1869 –يىلىغىچە جەمئىي 11يىل ۋاقىت سەرىپ قىلىپ قېزىلغان بولۇپ ، 1870–يىلىدىن باشلاپ رەسمىي ئىشلىتىلىشكە باشلانغان . سۇۋەيش قانىلىنىڭ ئىشلىتىلىشى ياۋروپا ، ئافرىقا ۋە ئاسىيا قىتئەسى سۇ يولى قاتنىشىغا نۇرغۇن قولايلىقلارنى ئېلىپ كەلگەن .
سۇۋەيش قانىلى
