شىنخۇا تورى چاڭشا 19–دېكابىر تېلېگراممىسى : خۇنەن ئۆلكىسىنىڭ نىڭشياڭ ناھىيەسىدىكى پوجاڭزا خام ماتېرىياللىرىنى توشۇش ئاپتوموبىلى پارتلاش ۋەقەسىنى بىر تەرەپ قىلىش گۇرۇپپىسىنىڭ 19–دېكابىر كەچ سائەت 10 لار ئەتراپىدىكى خەۋىرىگە قارىغاندا ، پارتلاش ۋەقەسىدە 12 ئادەم قازا قىلىپ ، 9 ئادەم يارىلانغان ، ئىككى ئادەم يوقاپ كەتكەن .
17 ــ دېكابىر كەچ ، خۇنەن ئۆلكىسىنىڭ نىڭشياڭ ناھىيەسى خېڭشى بازىرى تيېچۇڭ كەنتىدە بىر پوجاڭزا پىلىكى بېسىلغان ئاپتوموبىل پارتلاپ كەتكەن . ۋەقەنى بىر تەرەپ قىلىش قوماندانلىق ئىشتابىنىڭ 19 ــ دېكابىر كەچ سائەت 10 دا ئېلان قىلغان خەۋىرىگە قارىغاندا ، جامائەت خەۋپسىزلىك تارماقلىرى بۇ ۋەقەدە 12 ئادەمنىڭ قازا قىلىپ ، 9 ئادەمنىڭ يارىلانغانلىقىنى ، ئىككى ئادەمنىڭ يوقاپ كەتكەنلىكىنى دەلىللىگەن .
ئىگىلىنىشىچە ، خۇنەن ئۆلكىسىدىكى بىخەتەرلىك نازارەت قىلىش تارماقلىرى مۇتەخەسىسلەرنى تەشكىللەپ نەق مەيداندا تەكشۈرۈش ئېلىپ بېرىش ، مۇناسىۋەتلىك ئورۇنلار ۋە بىلگۈچىلەردىن ئەھۋال ئىگىلەش ، ۋەقەگە نىسبەتەن تەكشۈرۈشنى قانات يايدۇرۇش ھەمدە ۋەقە سادىر قىلغۇچىنىڭ مەسئۇلىيىتىنى قاتتىق سۈرۈشتۈرۈش قاتارلىق خىزمەتلەرنى ئېلىپ بېرىۋېتىپتۇ .
