شىنخۇا تورى ئىستامبۇل 23–دېكابىر تېلېگراممىسى : ئىران زۇڭتۇڭى ئەھمەدى نىجاد 23–دېكابىر تۈركىيەدىكى ئەڭ چوڭ شەھەر ئىستامبۇلدا سۆز قىلغاندا ، غەرب دۆلەتلىرىنىڭ ئىران بىلەن توقۇنۇش سىياسىتىدىن ۋاز كېچىشىنى ، كېيىنكى ئايدا تۈركىيەدە ئۆتكۈزۈلىدىغان يادرو سۆھبىتىنىڭ تالاش–تارتىشنى ھەل قىلىدىغان تارىخىي پۇرسەت بولۇپ قېلىشىنى ھەمدە سۆھبەتنىڭ نەتىجىلىك بولۇشىنى ئۈمىد قىلىدىغانلىقىنى بىلدۈردى .
ئەھمەدى نىجاد ئىستامبۇلدا ئۆتكۈزۈلگەن ئوتتۇرا ئاسىيا ۋە غەربىي ئاسىيا ئىقتىسادىي ھەمكارلىق تەشكىلاتى 11–قېتىملىق باشلىقلار يىغىنىغا قاتناشقاندىن كېيىنكى مۇخبىرلارنى كۈتۈۋېلىش يىغىنىدا مۇنداق دېدى : بىز ئىستامبۇلدىكى سۆھبەتنىڭ ياخشى بىر پۇرسەت بولۇشىنى ھەمدە بۇنىڭ ئۇزۇن مەزگىللىك نەتىجە بولۇشىنى ئۈمىد قىلىمىز . بۇ ناھايىتى مۇھىم يىغىن بولۇپ ، يىغىننىڭ ھەممە تەرەپنىڭ مەنپەئىتىگە ئۇيغۇنلىشىشىنى ئۈمىد قىلىمىز .
ئۇ يەنە مۇنۇلارنى بىلدۈردى ، ئىراننىڭ يادرو نىشانى ئۆزگەرمەيدۇ ، غەرب دۆلەتلىرىنىڭ ئىرانغا يۈرگۈزگەن جازاسىنىڭ ئۈنۈمى يوق .
ب د ت غا دائىمىي ئەزا بەش دۆلەت ۋە گىرمانىيەنىڭ ئىران بىلەن بولغان يادرو مەسىلىسىگە ئائىت كېيىنكى قېتىملىق سۆھبىتى كېلەر يىلى يانۋارنىڭ ئاخىرىدا ئىستامبۇلدا ئۆتكۈزۈلىدىكەن .
