خەلقئارا يۇمشاق دېتال ماگناتى __ مىكروسوفت شىركىتىنىڭ قۇرغۇچىسى بېل گايتىس بىلەن <پايچېك ئىلاھى> بافېت يېقىندا ئاخبارات ۋاستىلىرىنىڭ زىيارىتىنى قوبۇل قىلغاندا ئامېرىكىدىكى تېخىمۇ كۆپ بايلارنى خەير-ساخاۋەت ئىشلىرىغا ئاكتىپ قاتنىشىشقا دەۋەت قىلدى ھەمدە ئۆزلىرىنىڭ بۇندىن كېيىن داۋاملىق خەير-ساخاۋەت ئىشلىرىغا كۆپ مىقداردا پۇل سەرپ قىلىدىغانلىقىنى بىلدۈردى . گايتىس بىلەن بافېت نۆۋەتتە دۇنيادىكى ئەڭ باي ئادەم دەپ قارىلىدىغان بولۇپ ، ئىزچىل تۈردە بايلىقىنىڭ كۆپ قىسمىنى خەير-ساخاۋەت ئىشلىرىغا ئىشلىتىپ كەلگەن .
يېقىنقى تەكشۈرۈشتە كۆرسىتىلىشىچە نۆۋەتتە ئامېرىكىدىكى ئەڭ باي 400 ئادەمنىڭ ئومۇمىي بايلىقى 1.2 ترىلىيون دوللاردىن ئاشىدىغان بولسىمۇ ، لېكىن ئۇلارنىڭ ئاران 17سى بىر قسىىم مال-مۈلكىنى پاراۋانلىق تەشكىلاتلىرىغا ئىئانە قىلغان . گايتىس بىلەن بافېت ئۇلارنىڭ ئاز دېگەندىمۇ بايلىقىنىڭ يېرىمىنى خەير-ساخاۋەت ئىشلىرىغا ئىشلىتىشى كېرەك ، دەپ قارىغان .
