سامسۇڭنىڭ ھەشەمەتلىك ئەقلىيتېلېۋېزورى سېتىلىشقا باشلىدى - huxhuy online----Sports|world News|it News|china News|Local News Business

سامسۇڭنىڭ ئەڭ چوڭ ئۆلچەمدىكى رەڭلىك تېلېۋېزورى ___ 75 ديۇيىملىق ES9000ئەقلىي ئىقتىدارلىق تېلېۋېزورى مۇشۇ ئايدا جۇڭگودا سېتىلىشقا باشلايدىغان بولۇپ، سېتىلىش باھاسى 59 مىڭ 999 يۈەن خەلق پۇلىغا قىلىپ بېكىتىلگەن.

   بۇ خىل رەڭلىك تېلېۋېزورنىڭ باشقا تۈرلەر بىلەن ئوخشىمايدىغان تەرىپى ___ زىيادە ھەشەمەتلىك. بىرىنچىدىن، سىرتقى كۆرۈنۈشى جەھەتتە، سىرتقى لايىھەگە ئەھمىيەت بەرگەن، لايىھە جەھەتتە سامسۇڭ ئېلېكتېرلىرى لايىھەسىنى نامايان قىلغان، بۇ قېتىم رەڭلىك تېلېۋېزورنىڭ قېلىنلىق دەرىجىسى ئەڭ نېپىز ھالەتكە كەلتۈرۈلگەن بولۇپ، 7.9mmقېلىنلىق iPhoneدىنمۇ نېپىز، يەنە كېلىپ سىرتىغا زىيادە تار رامكا لايىھەسى ئىشلىتىلگەن، mm8 كېلىدىغان زىيادە تار رامكا، رامكىنىڭ كۆرۈش سىزىقىغا بولغان كاشىلىسى ۋە چەكلىمىسىنى ئاجىزلاشتۇرۇپلا قالماستىن، ئېسىل ئائىلە بۇيۇملىرى مۇھىتى بىلەن بىرلەشتۈرۈۋېتىلگەن. شۇنىڭ بىلەن بىرگە، سامسۇڭ ES9000كرستال ئېكرانلىق تېلېۋېزورى نىڭ سىرتقى قىياپىتىگىمۇ رەڭ جەھەتتە يېڭىلىقلار كىرگۈزۈلگەن بولۇپ، زىبۇ-زىننەت، مەرۋايىت دىگەندەك سەنئەت ئەسەرلىرى لايىھە ئۇقۇملىرى ئىشلىتلگەن، ES9000رامكىسىغا ئۆزگىچە ئەتتىرگۈل ئالتۇنرەڭ نىكېللىق قېتىشمىلىرى، ئاليۇمىن قېتىشمىلىرى سىمى تەگلىكى ئىشلىتىلگەن بولۇپ، بىر قاراشتىنلا ئېسىل، ھەشەمەتلىك، زامانىۋى تەسىر بېرىدۇ . ئىككىنچىدىن سۈرەت سۈپىتى جەھەتتە، سامسۇڭ ES9000 ئەقلىي ئىقتىدارلىق تېلېۋېزورىغا سامسۇڭنىڭ ئەسلىدىكى قارا رەڭلىك كىرستال تاختىسى ئىشلىتىلگەن بولۇپ، سامسۇڭ تاختىسىغا ئالاقىدار تۈرلۈك تېخنىكىلارنى ئۆزىدە مۇجەسسەملەشتۈرگەن، رەڭلىرى مول، ئائىلىدە مېھمانخانا ئۆيدە قويۇلسا چوڭ ئېكران ئېلىپ كەلگەن IMAX كىنو-فىلىم كۆرۈنۈشىدىكى كۆرۈش سەزگۈسىگە ئىگە قىلىدۇ، ھەشەمەتلىكلىكىنى سۆزلەپ ئولتۇرۇش ھاجەتسىز.

      كەڭ ئېكرانلىق تېلېۋېزورغا نىسبەتەن ئېيتقاندا، چوڭ ئۆلچەم بىلەن نەپس سۈرەت سۈپىتى بىر زىدىيەتلىك مەزمۇن، سامسۇڭنىڭ بۇ رەڭلىك تېلېۋېزورىغا، ئەڭ يېڭى دەرىجىدىن تاشقىرى دائىرىلىك نۇر كونترول قىلىش تېخنىكىسى II plus ئىشلىتىش ئارقىلىق، بۇ قىيىن مەسىلىنى ھەل قىلغان. ئەنئەنىۋى LED كىرىستال تېلېۋېزورىدىكى 288 دانە نۇر كونترول قىلىش مودېلىغا سېلىشتۇرغاندا تۆت ھەسسە يۇقىرى كۆتۈرۈلگەن، سۈرەت سۈپىتى ئۈچ ھەسسە يۇقىرى كۆتۈرۈلگەن.

   ES9000 يەنە كۆرۈش سەزگۈسىنى تەۋرەندۈرىدىغان 3D ئۈنۈمىگە ئىگە. ئاكتىپ زاتۋور شەكلىدىكى 3D تېخنىكىسىنىڭ ئەۋزەللىكىگە ئاساسلانغاندا، ES9000 ئادەتتە 3D مەزمۇنىنى قويغانداسۈرەت يۈزىدىكى ئىپتىدائىي پەرقلەندۈرۈشچانلىق ۋە سۈرەت ئېنىقلىقىنى ساقلاپ قېلىپ، ھەقىقىي يۇقىرى ئېنىقلىقتىكى 3D سۈرەت ئۈنۈمىنى ئەمەلگە ئاشۇرالايدۇ، ھەمدە 2D سۈرەت سۈپىتىنىڭ كۆرسىتىش ئۈنۈمىگىمۇ تەسىر كۆرسەتمەيدۇ. ئەھۋال ئىگەللەشلەرگە قارىغاندا، بۇ خىل تېلېۋېزور لوندوندا كۆرگەزمە قىلىنغان بولۇپ، كىشىلەرنى ئۆزىگە قاتتىق جەلىپ قىلىۋالغان، بۇ كەسپىي ساھەدىكىلەرنىڭ دىققىتىنى قوزغىغان.

ئۈچىنچىدىن ئىقتىدار جەھەتتە. قول ئىشارىسى كونترولى، ئاۋازلىق كونترول، يۈز قىسمىنى پەرقلەندۈرۈش، APP كۆرۈنمە چاستۇتىلىق قويۇش، ئويۇن، ئىجتىمائىي ئالاقە، بالىلار مائارىپى قاتارلىق كۆپ خىل ساھەلەر بويىچە تاللاش قىلالايدۇ...  ES9000 ئەقلىي ئىقتىدارلىق تېلېۋېزورىغا سامسۇڭنىڭ Smart TV تۈرلۈك خاسلاشتۇرۇلغان مەشغۇلات كونترولى ۋە ئەقلىي ئىقتىدارلىق قوللىنىشچان ئىقتىدار سەپلەنگەن....

    رەڭلىك تېلېۋېزور كەسپى ساھەسىدە كۆزىتىش مۇتەخەسىسلىرى، يېتىپ كېلىش ئالدىدا تۇرغان « 1- ئۆكتەبر» دىكى سودا ئاۋات پەسلىدە، سامسۇڭنىڭ 75 ديۇيىملىق ئەقلىي ئىقتىدارلىق تېلېۋېزورى ES9000 سىرتقى كۆرۈنۈشى جەھەتتىكى ھەشەمەتلىكلىكى،سۈرەت سۈپىتى ۋە ئەقلىي ئىقتىدارلىق قوللىنىلىشى قاتارلىق جەھەتلەردىكى ئەۋزەللىكى بىلەن، جۇڭگونىڭ كەسكىن رەڭلىك تېلېۋېزوربازىرىدىكى رىقابەتتە تېخىمۇ كۆپ بازار ئۈلۈشىنى قولغا كەلتۈرۈشى مۇمكىن دەپ پەرەز قىلىشقان.