ئالما بىلەن سەنشىڭنىڭ پاتىنېت جېڭىدە ئادۋوكاتلار قانچە پۇل تاپتى - huxhuy online----Sports|world News|it News|china News|Local News Business

ئەگەر بىراۋ پاتىنېت جېڭىنى ياقتۇردىغانلىقىنى دېسە ئۇ دەل ئادۋوكاتتۇر. ئالما بىلەن سەنشىڭنىڭ پاتېنىت جېڭى 15 ئاي داۋاملاشتى، بۇ جەرياندا ئادۋوكاتلار قانچىلىك كىرىم قىلدى؟
Ars Technica تورى بەزىبىر سوت خاتىرىسىدىن پەرەز قىلىشىچە سەنشىڭ تەرەپ ئادۋوكاتلىرىنىڭ ھەق ئۆلچىمى ئالما تەرەپنىڭكىدىن يۇقىرى بولغان. ئالما تەرەپنىڭ ۋاكالەتچىسى مېيفۇ ئادۋوكاتلىق ئورنى (   Morrison &Foerster) نىڭ ھەق ئۆلچىمى سائىتىگە 526 دوللار بولغان بولۇپ سەنشىڭ تەرەپنىڭ ۋاكالەتچىسى كۈنيۈەن ئادۋوكاتلىق ئورنى (Quinn Emanuel Urquhart & Sullivan )نىڭ ھەق ئۆلچىمى سائىتىگە 592 دوللار بولغان.
سەنشىڭ تەرەپ ئادۋوكاتلار ئۆمىكىدىكى ھەمكارلاشقۇچىلار سائىتىگە 821 دوللار ئالغان،ۋاكالەتچى ئادۋوكاتلار سائىتىگە 448 دوللار ئالغان، ئالما تەرەپنىڭ ئادۋوكاتلار ئۆمىكىدىكى ھەمكارلاشقۇچىلار سائىتىگە 582 دوللار ئالغان،ۋاكالەتچى ئادۋوكاتلار سائىتىگە 398 دوللار ئالغان.
     Morrison & Foersterئالما تەرەپنىڭ ئاساسلىق ئادۋوكاتى بولۇپ ئۆتكەن يىلى ئادۋوكاتلار ھەمكارلىق كىرىمى ھەربىرىنىڭ بىر مىليون 400 مىڭ دوللار بولغان، سەنشىڭ تەرەپنىڭ ئاساسلىق ئادۋوكاتى Quinn Emanuel Urquhart & Sullivan ) بولۇپ ئۆتكەن يىلى ئادۋوكاتلار ھەمكارلىق كىرىمى تۆت مىليون 160 مىڭ دوللار بولغان.
ئەلۋەتتە بىر قىسىم داڭلىق ئادۋوكاتلارنىڭ تاپىدىغان پۇلى شىركەتنىڭ ئوتتۇرىچە كىرىمىدىن ئېشىپ كىتىدۇ. سەنشىڭ بىلەن ئالمىنىڭ جېڭىدە ئالما تەرەپتىكى ئاساسلىق داڭدار ئادۋوكات   Morrison & Foerster دىكى Micheal Jacobsبولۇپ ئۇ ئىلگىرى   SCO بىلەن Novel نىڭ دىلوسىغا قاتناشقان،يېقىندا يەنە   Oracle بىلەن Googleنىڭ جېڭىدە Oracle نىڭ ئاقلىغۇچىلقىنى ئۈستىگە ئالغان. سىنشىڭ تەرەپتىكى ئاساسلىق داڭدار ئادۋوكات Charles Verhoeven بولۇپ ئۇ يېقىندا تىكساستىكى سوتتا Google نىڭ ئاقلىغۇچىلىقىنى ئۈستىگە ئېلىپ پەن تېخنىكا شىركەتلىرىگە دوستانە بولمىغان بۇ شىتاتتا ئىككى قېتىم غەلىبىنى قولغا كەلتۈرگەن.