3D مودېللاشتۇرۇشنى تىلغا ئالغاندا، نۇرغۇن كىشىلەر دەرھاللا 3DMax نى ئېسىگە ئېلىشىدۇ، ئەمما ئۇ بىر ئىنتايىن كەسىپلەشكەن يۇمشاق دېتال بولغاچ، قېلىپلاشقان تەربىيلەشتىن ئۆتمىگەن ئادەتتىكى ئابونتلارئۆلچەملىك بىر ئۈچ ئۆلچەملىك مودېلنى تۈزۈپ چىقالمايدۇ، راست يۈزدەك كۆرۈنىدىغان بىر قىسىم يۈز شەكلى، ئويۇنچۇق دىگەندەكلەرنى تۈزۈشتىن سۆز ئېچىش تېخىمۇ مۇمكىن ئەمەس. شۋېتسارىيە ئىگىلىك تىكلەش شىركىتى يېقىندا بىر يۈرۈش سىرلىق يۇمشاق دېتال Demo نى بارلىققا كەلتۈرگەن بولۇپ، بۇ يۇمشاق دېتال ئارقىلىق، ئۇنچە مۇرەككەپ كەسپىي بىلىملەرنىڭ بولۇشىغا ئېھتىياجلىق بولمىغان ھالدا، 2D باش سۈرىتىنى ئوڭايلا 3D مودېلىغا ئايلاندۇرغىلى بولىدىكەن.


               
  



                                  
  بۇ يۇمشاق دېتال نۆۋەتتە Chrome ۋە Firefox تور كۆرگۈسىنى قوللايدىغان بولۇپ، مەشغۇلاتى ئىنتايىن ئاددىي ۋە تېز. پەقەت مۇۋاپىق بىر پارچە سۈرەتنى يوللاپ، ئاندىن قۇلاق يۇمشىقى، بۇرۇن ئۇچى، ئىڭەك دىگەندەك بىر قىسىم ھالقىلىق ئورۇنلاردا كۆرسەتمە بويىچە مائۇس مەشغۇلاتى قىلساقلا، ھەقىقىي 3D باش قىياپىتى كۆز ئالدىمىزدا نامايان بولىدۇ. 3D باش سۈرىتىنىڭ سۈپىتى، يوللىغان سۈرەتنىڭ سۈپىتىگە مۇناسىۋەتلىك. سۈرەت سۈپىتى قانداق بولۇشىدىن قەيتئىينەزەر، ئاخىرىدا ئېرىشىلىدىغان نەتىنجە ئۆزىڭىزنىڭ سۈرىتى بىلەن سېلىشتۇرغۇسىز دەرىخىدە ئوخشاش بولىدۇ.


             
     ئەمما بۇ يۇمشاق دېتالدا بىۋاسىتىلا چاچ شەكىللەندۈرگىلى بولمىغانلىقتىن، ئەڭ ئاخىرقى مودېل چېچى يوق ھالەتتە كۆرۈنىدۇ. شۇڭا ئابونتلار ئالدى بىلەن 3D باش سۈرىتىنى شەكىللەندۈرگەندىن كېيىن، ھەر خىل چاچ پاسونلىرىنى ماسلاشتۇرۇپ ئۈنۈمىنى كۆرۈپ باقسا بولىدۇ.


    ئۇنىڭدىن باشقا، بۇ يۇمشاق دېتالنىڭ يەنە "باش سۈرىتىنى يۆتكەش" ئىقتىدارى بار بولۇپ، سۈرەتتىكى باش سۈرىتىنى ئالماشتۇرغىلى بولىدۇ. بۇ يۇمشاق دېتالنىڭ بۇنىڭدىن سىرت يەنە نۇرغۇن قىزىقارلىق ئىقتىدارلىرى بار....بۇنىڭغا قىزىققۇچىلار Vizago نى زىيارەت قىلىپ ئۆزى سىناپ كۆرسە بولىدۇ...