كېيىنكى يېرىم يىلدا ئالما 6 خىل يېڭى مەھسۇلاتنى بازارغا سېلىشى مۇمكىن - huxhuy online----Sports|world News|it News|china News|Local News Business

25- ئىيۇل سوخۇ تېخنىكا خەۋىرى، تەھلىلچىلەرنىڭ بىلدۈرۈشىچە، ئالما كېيىنكى يېرىم يىلدا 6 خىل يېڭى مەھسۇلاتنى بىراقلا بازارغا سالىدىكەن. بازار ئالدىن مۆلچەرلەۋاتقان iPhone5، يېڭى پاسوندىكى 13 ديۇيىملىق خاتىرە كومپيۇتېر ۋە ئۈستەل كومپيۇتېرىدىن سىرت، يەنە يېڭى پاسوندىكى iPod touchۋە iPod nano、iPad mini قاتارلىقلارمۇ بار ئىكەن، بۇ مەھسۇلاتلار بازارنىڭ ئاۋات پەسلىدە بازارغا سېلىنىدىكەن.

  ۋالسىترېت كوچىسى تەھلىلچىسى ۋە مەبلەغچىسى:" ئالمىنىڭ بۇ پەسىلدىكى ئىپادىسى مۆلچەردىكىدەك ياخشى بولماي قالدى، بۇ ئاساسلىقىiPhone 4S نىڭ سېتىلىش ئۈنۈمى تۆۋەنلەش، iPad نىڭ جۇڭگو بازىرىغا كىچىكىپ كىرىشى، يېڭى iPhone نىڭ بازارغا سېلىنىشتا بەكلا كېچىكىپ كېتىش دىگەندەك سەۋەبلەردىن بولغان. ئالدىنقى پەسىلدىكى iPhone نىڭ مال چىقىرىلىش مىقدارى 26 تۈمەندىن 28 تۈمەن ئەتراپىدا بولۇپ، ئەسلىدىكى مۆلچەردىكى 29 تۈمەندىن تۆۋەن بولغان. ئەمما بۇ يېڭى مەھسۇلات بازارغا سېلىنىشتىن بۇرۇن بولىدىغان نورمال ئەھۋال" دەپ ئوتتۇرىغا قويغان.

    iPhone نىڭ سېتىلىشىنىڭ دەخلىسى بولغاندىن سىرت، ۋالسىترېت كوچىسى يەنە Google ۋە ئامازوننىڭ كۆچمە ئالاقە بازىرىدا باش كۆتۈرۈشىنىڭ ئالمىغا بولغان تەسىرى،بولۇپمۇ Google تېخىمۇ كىچىك، تېخىمۇ ئەرزان بولغان Nexus 7 تەكشى ئەينەكلىك كومپيۇتېرىنى بازارغا سېلىپ، نۇرغۇن ئىستېمالچىلارنى ئۆزىگە جەلىپ قىلىشىنىڭ كىشىنى ئەندىشىگە سالىدىغانلىقىنى بىلدۈرگەن. تەھلىلچىلەر، بىرە تېخنىكا شىركىتىنىڭ يەر شارى بازىرىدا ئۇزۇن مەزگىل 1- ئورۇننى ئىگەللىمىگەنلىكىنى ئوتتۇرىغا قويغان. شۇنداق بولغان ئىكەن، بازار مۇھىم نۇقتىنى بازارغا سېلىنماقچى بولغان يېڭى مەھسۇلاتقا قارىتىدۇ، KGI ئاكسىيسى:"ئەمدى ئالمىنىڭ يېڭى مەھسۇلاتلىرىنىڭ ئايىغى ئۈزۈلمەيدۇ، مەسىلەن، ئۆزگەرتىلگەن نۇسخىسىكى يېڭى iPad ۋە 21.5 ديۇيىملىق، 27 ديۇيىملىق ئۈستەل كومپيۇتېرى iMac، ئۇنىڭدىن باشقا iPhone 5 كە ئوخشاش، 13 ديۇيىملىق Retina ئېكرانى سەپلەنگەن MacBook Pro ۋە پۈتۈنلەي يېڭىچە iPod بىلەن iPod nano...دىگەندەك" دەپ ئوتتۇرىغا قويغان.

  KGI ئاكسىيسى يەنە:"سېنتەبردە بازارغا سېلىنىشقا بېكىتىلگەنلىرىدىن 13 ديۇيىملىق MacBook Pro ۋە iPod touch、iPod nano لار بار.... سېنتەبردىن باشلاپ بۇ مەھسۇلاتلاردىن كۆپ مىقداردا مال چىقىرىلىدۇ، ئۆكتەبردىن باشلاپ مال چىقىرىلىش مىقدارى ئاشۇرۇلىدۇ" دىگەن.

بازاردىمۇ iMac سېنتەبردە بازارغا سېلىنىشى مۇمكىن، ئۆزگەرتىلگەن يېڭى New iPad نىڭ ئۆلچىمى ئەڭ كىچىك بولغان ئۇلىغۇچىسىلا ئالماشتۇرۇلغان دىگەندەك سۆزلەر تارقالغان.

    KGI ئاكسىيسى، بۇ يىل يېڭى ۋە كونا پاسوندىكى iPad 2 ھەم يېڭى iPad、iPad mini قاتارلىقلارنى ئۆز ئىچىگە ئالغان، تاختاي كومپيۇتېرلىرىنىڭ بىر يىلدىكى سېتىلىش مىقدارى 68 مىلىيون دانىگە،iPhone نىڭ سېتىلىش مىقدارى 150 مىلىيون دانىگە يېتىشى مۇمكىن، كەلگۈسى ئىككى پەسىلدە، iPhone 5 زور تەسىرلەرنى ئېلىپ كېلىشى مۇمكىن، بۇ iPhone بازارغا سېلىنغاندىن بۇيانقى ئەھمىيەتلىك بىر دەرىجە ئۆرلەش بولۇپ قېلىشى مۇمكىن دەپ مۆلچەرلىگەن.