كىچىك ۋاقتىدىكى  ئابىگايل ۋە برىتاني .

تۇتاش تەنلىك تۆرەلمە مېدىتسىنادىكى بىر خىل ئىنتايىن ئاز كۆرۈلىدىغان ھادىسە بولۇپ ، ئادەتتە ھايات قېلىش نىسبىتى ئىنتايىن تۆۋەن . ئەنگلىيە «كۈندىلىك پوچتا گېزىتى» 9-ئاۋغۇست بىر پارچە ماقالە ئېلان قىلىپ ، كىشىلەرگە بىر تۇتاش تەنلىك ئادەمنىڭ كۈندىلىك تۇرمۇشىنى نامايان قىلىپ بەردى .

ئابىگايل (Abigail Hensel) ۋە برىتاني (Brittany Hensel) بولسا بىر جۈپ  تۇتاش تەنلىك قوشكېزەك بولۇپ ، ئۇلار نورمال بالىلارغا ئوخشاش  ئۆسۈپ يېتىلگەن ، ھەمدە ئۇلار بېزېل ئۇنىۋېرسىتېتىنى( Bethel University)  ئوڭۇشلۇق پۈتتۈرگەن .
بۇ بىر جۇپ  قوشكېزەك ئوخشاش بىر تەندىن تەڭ بەھرىمەن بولىدۇ ، ئۇلارنىڭ ئىككى يۈرىكى ، ئىككى ئاشقازىنى ، ئۈچ بۆرىكى ۋە تۆت ئۆپكىسى بار . گەرچە ئۇلار بىر تەن بولسىمۇ ،  ئابىگايل ۋە برىتانينىڭ خاراكتېرى پۈتۈنلەي ئوخشىمايدۇ .  ئابىگايلنىڭ  خاراكتېرى بىر قەدەر ئېغىر بېسىق بولۇپ ، ناشتىدا ئاپېلسىن شەربىتى ئىچىشنى ياقتۇرىدۇ ؛ لېكىن برىتاني بولسا ئائىلىنىڭ كۆڭۈل ئېچىش مېۋىسى بولۇپ ، پەقەت كالا سۈتى ئىچىدۇ .
ئۇلار تاماق يېگەن چاغدا ، ئۇنىڭ ئىچىدە بىرسى پىچاق-ۋىلكا تۇتىدۇ ، ئۇنىڭدىن كېيىن ئىككىسىنىڭ ئوخشىمىغان ئامراق تەمىگە ئاساسەن يېمەكلىكىنى ئايرىم-ئايرىم ھالدا ئوخشىمىغان ئىككى ئېغىزغا سالىدۇ . برىتاني ئۆپكە ياللۇغى بولۇپ قىلىپ ، تاماق يېيەلمىگەن چاغدا ،  ئابىگايل ئۇنىڭغا ياردەم قىلىدۇ ؛ بىر ئادەم ئۆزىنى قاشلىغان چاغدا ، يەنە بىرسى داۋاملىق ھېساب ئىشلىيەلەيدۇ .
لېكىن بۇ بىر جۇپ قىز مۇنداق بىر مەسىلىگە دۇچ كەلگەن ، ئۇلار بىر كۆپىيىش سىستېمىدىن  ئورتاق بەھرىمەن بولىدىغان بولۇپ ، بۇ ئۇلارنىڭ ئائىلە قۇرغان ۋاقىتتا قىيىن بىر مەسىلىگە دوچ كېلىدىغانلىقىنى بىلدۇرىدۇ .