HTC9-ئايدا ئۈچ خىل نۇسخىدىكى تۆت يادرولۇق 720pئېكرانلىق WP8يانفونىنى ئېلان قىلىدىكەن 

    يانفون ئائىلىسى ئۇچۇر مەركىزىنىڭ 8-ئاينىڭ 10-كۈنى خەۋىرى، ھەممىزى نوكىيانىڭ 9-ئايدا تۇنجى Windows Phone8يانفونىنى ئېلان قىلىدىغانلىقىنى بىلىمىز. ناھايىتى تېزلا يەنە HTCنىڭمۇ ئوخشاشلا ئۆزلىرىنىڭ Windows Phone 8يانفونىنى بازارغا سېلىشقا تىرىشىۋاتقانلىقىنى، شۇنداقلا 9-ئاينىڭ ئۈچىنچى ھەپتىسى ئېلان قىلىشقا تىرىشىۋاتقانلىقىنى بىلىپ قالىمىز.
    HTCنۆۋەتتە ئۈچ خىل نۇسخىدىكى يەنى Rio、Accordۋە Rio、Accordناملىق  Windows Phone8ئۈسكۈنىسىنى تەتقىق قىلىۋاتقان بولۇپ، بۇنىڭ ئىچىدىكى Zenithگە 4.7 ديۇيملۇق 720pسۈزۈكلىكتىكى دەرىجىدىن تاشقىرى ئىككىنچى ئەۋلاد LCDئېكرانى سەپلىنىدىكەن، تۆت يادرولۇق Snapdragonبىر تەرەپ قىلغۇچ ۋە سەككىز مىليۇن پېكسىللىق كامېرالار يارقىن نوقتىلىرى ئىكەن.
    Rioبىلەن Accordنىڭ سەپلىمىسى ئاممىباپ ئىكەن. Rioغا تۆت ديۇيملۇق WVGAئېكرانى ۋە بەش مىليۇن پىكسېللىق 720pكامېرا سەپلىنىدىكەن. Accordگە بولسا 4.3 ديۇيملۇق 720pئېكرانى، سەككىز مىليۇن پىكسېللىق ئاساسىي كامېرا سەپلەنگەن بولۇپ 1080pئېنىقلىقتىكى سىنغا ئېلىش ئىقتىدارىنى قوللايدىكەن، يەنە قوش يادرولۇق مەركىزىي بىر تەرەپ قىلغۇچ سەپلىنىدىكەن.
    بىز تۇنجى Windows Phone8ئۈسكۈنىلىرىنىڭ 9-ئايدا ئېلان قىلىنىدىغانلىقىدىن گۇمانلانمايمىز، چۈنكى مىكرو سوفت دەل شۇ پەيتتە ئەڭ يېڭى يانفون مەشغۇلات سېستىمىسىنى ئېلان قىلىدىغان بولۇپ، ئەلۋەتتە بىر قىسىم كارخانىلارنىڭ مەھسۇلاتلىرىنى مەيدانغا چىقىرىشىغا مۇھتاج بولىدۇ. بۇنىڭدىن باشقا تەپسلىي ئەھۋاللار بىزگە نامەلۇم، قالغىنىنى رەسمىي يانفوننى قولىمىزغا ئالغاندا ئاندىن بىلىمىز، كۆپچىلىكنىڭ تور پونكىتىمىزنىڭ خەۋەرلىرىگە داۋاملىق دىققەت قىلىپ تۇرۇشىنى ئۈمىد قىلىمىز.