لىيەنشىياڭ Windows 8 ئالقان كومپىيوتېرى ThinkPad Tablet 2 نى ئېلان قىلدى - huxhuy online----Sports|world News|it News|china News|Local News Business

ThinkPad Tablet 2

سېزىمچان قەلەم سەپلەنگەن

سىزىمچان قەلەمدە يېزىش

ThinkPad نىڭ بەلگىسى

قېلىنلىقى پەقەت 9.8 مىللىمېتر

Windows 8 سېستىمىسى قاچىلانغان

فىزىكىلىق كۇنۇپكا

ئاسراش قېپى

سىرتتىن چېتىلىدىغان كۇنۇپكا تاختىسى

ئارقا كامېراسى

    شىنلاڭ تورى 8-ئاينىڭ 9-كۈنى خەۋىرى، لىيەنشىياڭ نيۇيوركتا بۇ شىركەتنىڭ تۇنجى Windows 8ئالقان كومپىيوتېرى ThinkPad Tablet 2نى ئېلان قىلدى. بۇ مەھسۇلاتنىڭ قېلىنلىقى 9.8 مىللىمېتر بولۇپ، ئەسلى نۇسخىسى بۇ يىلنىڭ بېشىدىلا ئاشكارىلانغان ئىدى.
    بۇ مەھسۇلات بىر خىل x86ئۈسكۈنىسى بولۇپ، ئنتېل ۋە مىكرو سوفت بىرلىكتە ئاچقان، ئېغىرلىقى تەخمىنەن 1.3 قاداق (تەخمىنەن 589 گرام) بولۇپ، 10.1 ديۇيملۇق 1366×768 ئېنىقلىقتىكى ئېكران سەپلەنگەن. توكى 10 سائەت ئۇدا ئىشلىتىشكە يېتىدىغان بولۇپ، قېلىنلىقى پەقەت 9.8 مىللىمېترلا كېلىدىغان ئۈسكۈنىگە نىسبەتەن ئېيتقاندا، كىشىنى ھەيران قالدۇرىدۇ.
    لىيەنشىياڭ مۇنۇلارنى بىلدۈردى، ئۆلچەملىك تىپىغا پەقەت WiFi بۆلىكىلا سەپلەنگەن بولۇپ، 3G ۋە LTEنۇسخىسىغا سېزىمچان قەلەم، كونۇپكا تاختىسى ۋە تەگلىك سەپلىنىدىكەن.
    لىيەنشىياڭ نيۇيوركتىكى بايانات ئېلان قىلىش يىغىنىدا، بۇ دەل «كەسپىي ساھەدىكىلەر ئۇزاقتىن بېرى تەقەززا بولۇۋاتقان ئالقان كومپىيوتېرى» ئىكەنلىكىنى بىلدۈردى. گەرچە باشقا Windows 8 ئالقان كومپىيوتېرلىرى بىلەن ئانچە پەرقلىنىپ كەتمىسىمۇ، لېكىن بۇ ئۈسكۈنىنى دەسلەپكى ئىشلىتىش يەنىلا كىشىلەرگە چوڭقۇر تەسىر قىلىدىكەن. كۇنۇپكا تاختىسى تەگلىكلەر بىلەن ئۇلانسا، دەل بىر خاتىرە كومپىيوتېردەك تۇيغۇ بېرىدىكەن، لېكىن بۇ مەھسۇلات يەنىلا بىر ئەپچىل، پۇختا بولغان ئالقان كومپىيوتېرى ئەلۋەتتە. سېزىمچان قەلەمنىڭ كىرگۈزۈش ئىقتىدارى ناھايىتى قالتىس بولۇپ، كومپىيوتېر گەۋدىسى ئىنتايىن پۇختا، ئېسىل لاھىيەلەنگەن، قولىغا ئالغاندا ناھايىتى راھەت ھېس قىلىدىكەن. ئۇنىڭدىن باشقا، لىيەنشىياڭنىڭ ئەپلىرى Windows 8 سېستىمىسىدە ناھايىتى راۋان ئىجرا قىلىنغان.
    باشقا Windows OEM زاۋۇتلىرىغا ئوخشىمايدىغان يېرى، لىيەنشىياڭنىڭ يېقىنقى ئىپادىسى ناھايىتى ياخشى بولغان، شۇنداقلا Tablet 2نىڭ كەلگۈسى بىر قانچە ئايدا مىكرو سوفتنىڭ Surfaceئالقان كومپىيوتېرى بىلەن بىر مەيدان ئىنقىلاپ قوزغىشىدا ئۈمىد بار ئىكەن. Windows 8كە ئوخشاش، بۇ مەھسۇلاتمۇ 10-ئايدا، ھەتتا بىر كۈندە ئېلان قىلىنىشى مۇمكىن ئىكەن. لېكىن لىيەنشىياڭ شىركىتى ھازىرچە بۇ مەھسۇلاتنىڭ باھاسىنى ئاشكارىلىمىغان.