ئالما بىلەن گۇگېلنىڭ پاتېنت جېڭى يەنە باشلاندى - huxhuy online----Sports|world News|it News|china News|Local News Business

زاۋاللىققا يۈزلەنگەن Kodak نىڭ كەسىپ ساھەسىگە قالدۇرغىنى تەجرىبە-ساۋاق بولۇپلا قالماستىن يەنە، نۇرغۇن ئىلغار تېخنىكا پاتېنتى بولدى، بۇ پاتېنت ئاساسلىقى رەقەملىق فوتو ئاپپارات لايىھىلەش، گرافىك بىر تەرەپ قىلىش قاتارلىقلار بولۇپ، مەيلى كەلگۈسىدىكى يانفون، تەكشى ئەينەكلىك كومپيۇتېرلارغا نىسبەتەن بولسۇن ۋە ياكى ئالاقە تورى قوللىنىشچان يۇمشاق دېتالىغا قارىتا بولسۇن ھەممىسىدىلا قىممەتلىك بايلىق، ئەگەر كىمدە بۇلار بولسا، شۇ كەلگۈسىدە تېخىمۇ كۆپ سۆزى تىلى ھوقۇقى ۋە مەھسۇلات سۆزى ھوقۇقىغا ئىگە بولغان بولىدۇ.

چەتئەل تاراتقۇلىرىنىڭ خەۋەر قىلىشىچە، بۇ پاتېنتلاردا رىقابەتلىشىش ئۈچۈن، ئالما بىلەن گۇگېل يەنە بىر قېتىم تىركىشىش سەھنىسىگە قەدەم قويغان بولۇپ، ۋەيران بولغان Kodak نىڭ بىر قىسىم پاتېنتلىرىغا ئېرىشىشنى نىشان قىلغان.

بۇ قېتىم، ئالما ۋە گۇگېل ئايرىم-ئايرىم ھالدا ئىككى چوڭ مالىيە گۇرۇھىنى قۇرغان بولۇپ، ئالما تەرەپتە، ئالما، مىكروسوفىت ۋە بىر پاتېنت توپلاش شىركىتى Intellectual Ventures بار ئىكەن. گۇگېل تەرەپتە بولسا، گۇگېل، سامسۇڭ، LG，HTC ۋە RPX شىركەتلىرى بار ئىكەن.

Kodak ۋەيران بولغانلىقتىن، سوت مەھكىمىسى 8-ئاۋغۇست پاتېنتى سېتىلماقچى بولغان. سېتىلىدىغان پاتېنت تۈرلىرىدىن:1.رەقەملىك سۈرەتكە تارتىش: رەقەملىك فوتو ئاپپارات ئارقىلىق، ئەقلىيفون ۋە تەكشى ئەينەكلىك كومپيۇتېر ئارقىلىق سۈرەتكە تارتىش ۋە سۈرەتلەرنى بىر تەرەپ قىلىش. 2. Kodak سۈرەت بىر تەرەپ قىلىش سىستېمىسى، مەسىلەن، باشقۇرۇش، ساقلاش، سۈرەت تەھلىل قىلىش.....قاتارلىقلار بار ئىكەن.

بۈگۈنگە كەلگەندە، ئاللىقاچان نۇرغۇن شىركەتلەر بۇلارنى سىناپ كۆرۈشكە ئالدىراۋاتىدۇ. مۆلچەرلەرگە قارىغاندا، مالىيە گۇرۇھلىرىغا ئەزا شىركەتلەردىكى تەۋرىنىش بولغانلىقتىن ۋە بىر قىسىم يوشۇرۇن رىقابەتچىلەرمۇ ئوتتۇرىغا چىققانلىقتىن، بۇ رىقابەت ئۇزۇنغا سوزۇلۇپ كېتىشى مۇمكىن.