سەيدى تورى 8-ئاينىڭ 11-كۈنى خەۋىرى، چەتئەل تاراتقۇلىرىنىڭ خەۋەر قىلىشىچە، چەتئەل ئاخبارات ۋاستىسى CouponCodes4uنىڭ ئەڭ يېڭى ئېلان قىلغان بىر تۈرلۈك تەكشۈرۈش نەتىجىسىدە كۆرسىتىلىشىچە، كۆپ قىسىم ئامېرىكا ئىستىمالچىلىرى iPadmini ئالقان كومپىيوتېرىنى ئەمەس بەلكى iPhone 5نى تاللايدىكەن، شۇڭا ئالمىنىڭ بىرلا ۋاقىتتا iPhone 5ۋە iPad miniنى ئېلان قىلىشى شىركەتكە نىسىبەتەن ئانچە ياخشى تەدبىر ئەمەسكەن.
ئالما بەلكىم ئىككى خىل مەھسۇلاتنى تەڭلا ئېلان قىلىدۇ، لېكىن كۆپ قىسىم ئىستىمالچىلار بىرلا ۋاقىتتا ئىككى خىل مەھسۇلات سېتىۋېلىش چىقىمىنى كۆتۈرەلمەيدۇ. تەكشۈرۈش نەتىجىسىدە كۆرسىتىلىشىچە ئەگەر تاللاشقا توغرا كەلسە، كۆپ قىسىم ئىستىمالچىلار iPhone 5نى تاللايدۇ، ھازىر %78 ئامېرىكىلىق يەتتە ديۇيملۇق iPad miniنى ئەمەس بەلكى يېڭى ئەۋلاد iPhone(يەنى iPhone 5) نى سېتىۋالىدىغان بولۇپ، iPhone 5نى سېتىۋېلىشنى تاللىغان ئىستىمالچىنىڭ 77%تى ھازىرمۇ iPhoneئىشلىتىۋاتقانلار ئىكەن. CouponCodes4u1873 نەپەر ئامېرىكىلىق ئىستىمالچى ئۈستىدىن تەكشۈرۈش ئېلىپ بارغان، بۇ تور بېتى ئىلگىرى زىيارەت قىلىپ «نىمە ئۈچۈن iPhoneنى تاللايسىلەر» دەپ سورىغانلاردىن، 46%تى iPad miniنىڭ «ئەھمىيىتى يوق» دەپ قارىغان. 39%تى بولسا كىچىكرەك بولغان iPadكە قارىغاندا يېڭى iPhoneغا بەكرەك ئىھتىياجلىق ئىكەنلىكىنى ئېيتقان. تەكشۈرۈشنى قوبۇل قىلغان كىشىلەرنىڭ %22 تى بولسا يېڭى iPhoneنى ئەمەس بەلكى iPad miniنى تاللايدىغانلىقىنى بىلدۈرگەن، iPad miniنى تاللىغانلارنىڭ يېرىمىدىن كۆپرەكى ئۆزلىرىدە iPadبارلىقىنى بىلدۈرگەن، 69%تى iPhone 5نىڭ iPhone 4Sبىلەن ئانچە پەرقلىنىپ كەتمەيدۇ دەپ قارىغان. مەلۇم بولۇشىچە، بازار تەھلىلچىلىرى ئومۇميۈزلۈك ئالما بۇ يىل 9-ئاينىڭ 12-كۈنى iPhone 5نى ئېلان قىلىدۇ دەپ قارايدىكەن، شۇنىڭ بىلەن بىر ۋاقىتتا بۇ شىركەت بىرلا ۋاقىتتا iPad miniنىمۇ ئېلان قىلىش ئىھتىماللىقى باركەن.
