ھىندىستان ساقچى تەرەپنىڭ 11-چېسلادىكى خەۋىرىدە ئېيتىلىشىچە، ھىندىستاننىڭ شىمالىي قىسمىدىكى خىماشال شەھىرىنىڭ چامبا رايونىدا شۇ كۈنى چۈشتىن بۇرۇن يۈز بەرگەن يولۇچىلار ئاپتوموبىلىنىڭ ئۆرۈلۈپ كېتىش ۋەقەسى 51 ئادەمنىڭ ئۆلۈپ، 47 ئادەمنىڭ يارىلىنىشنى كەلتۈرۈپ چىقارغان بولۇپ، بۇ ۋەقە ئاساسلىقى ئاپتوبۇستىكى ئادەمنىڭ ھەددىدىن زىيادە كۆپ بولۇپ كەتكەنلىكىدىن بولغان ئىكەن.
كۆرگۈچىلەرنىڭ ئېيتىشىچە، ۋەقە يۈز بەرگەن ۋاقىتتا، بۇ يولۇچىلار ئاپتوموبىلى تاغ قاپتىلىدىكى يولدىن ئۆتۈۋېتىپ ئايلانغان ۋاقىتتا، ئاپتوموبىل گەۋدىسى يانتۇ بولۇپ كونتروللۇقنى يوقاتقان، ئاندىن يول بويىدىكى تەخمىنەن 90 مېتىر چوڭقۇرلۇقتىكى جىلغىغا چۈشۈپ كەتكەن ئىكەن.
ساقچى تەرەپنىڭ كۆرسىتىشىچە، ئاپتوموبىل ئىگىسى ياللىغان شوپۇر بولسا ئانچە تەجىربىسى يوق بىر يېڭى شوپور ئىكەن. ئاپتوموبىل ئىگىسى كۆپرەك پۇل تېپىش ئۈچۈن، بىر قىسىم يولۇچىلارنى ئاپتوموبىلنىڭ ئۈستىگە ئولتۇرغۇزغان، شۇنىڭ بىلەن ئەسلىدە پەقەت 40 ئادەم سىغىدىغان ئاپتوموبىلغا تەخمىنەن 100 دەك ئادەم ئولتۇرغان. بۇنىڭدىن باشقا، شۇ يەردە ئۇدا نەچچە كۈن يامغۇر يېغىپ يولنى سېلىقلاشتۇرۇۋەتكەن بولۇپ، بۇمۇ مۇشۇ ۋەقەنىڭ كېلىپ چىقىشىدىكى بىر سەۋەب بولۇشى مۇمكىن ئىكەن.
ساقچى تەرەپنىڭ كۆرسىتىشىچە، ئاپتوموبىل ئىگىسى ياللىغان شوپۇر بولسا ئانچە تەجرىبىسى يوق بىر يېڭى شوپۇر ئىكەن. ئاپتوموبىل ئىگىسى كۆپرەك پۇل تېپىش ئۈچۈن، بىر قىسىم يولۇچىلارنى ئاپتوموبىلنىڭ ئۈستىگە ئولتۇرغۇزغان، شۇنىڭ بىلەن ئەسلىدە پەقەت 40 ئادەم سىغىدىغان ئاپتوموبىلغا تەخمىنەن 100 دەك ئادەم ئولتۇرغان. بۇنىڭدىن باشقا، شۇ يەردە ئۇدا نەچچە كۈن يامغۇر يېغىپ يولنى تېيىلغاق قىلىۋەتكەن بولۇپ، بۇمۇ مۇشۇ ۋەقەنىڭ كېلىپ چىقىشىدىكى بىر سەۋەب بولۇشى مۇمكىن ئىكەن.
ھىندىستان ھۆكۈمەت تەرەپنىڭ ستاتىستىكىسىغا ئاساسلانغاندا، ھىندىستاندا ھەر يىل دېگۈدەك 110 مىڭدىن كۆپرەك ئادەم ھەر خىل قاتناش ۋەقەسىدە ھاياتىدىن ئايرىلىدىغان بولۇپ، نورمىدىن ئارتۇق ئادەم سېلىش، سۈرئەتنى ئاشۇرۇپ ھەيدەش، ئاپتوموبىل ۋە يول ئەھۋالىنىڭ ناچار بولۇشى قاتارلىقلار بۇنداق قاتناش ۋەقەسىنىڭ يۈز بېرىشىدىكى ئاساسلىق سەۋەبلەر ئىكەن.