كورىيە يېڭى تىپتىكى ئېلاستىكىلىق باتارىيە تەتقىق قىلىپ ياساپ چىقتى - huxhuy online----Sports|world News|it News|china News|Local News Business

كورىيە پەن-تېخنىكا يۇقىرى دەرىجىلىك تەتقىقات يۇرتىدىكى پروففېسسورKeon Jae Lee يېقىندا بىر خىل قاتتىق ھالەتتىكى ئېلاستىكىلىق باتارىيەنى ياساپ چىققانلىقىنى ئېلان قىلغان، بۇ خىل باتارىيەنىڭ بىر ئەۋزەللىكى، قاتلىغاندا، زەخمىگە ئۇچرىغاندا ياكى ئادەتتىكىدەك پارچىلىغاندا يەنىلا نورمال ھالەتتە توك بىلەن تەمىنلىيەلەيدىكەن. ئىگىلىپ كەتكەندە توك مىقدارى ۋە ئىقتىدارى جەھەتتە خوراش بولمايدىكەن.

بۇ خىل ئەگكىلى بولىدىغان باتارىيەمۇ لىتىي ئىئونلۇق باتارىيىگە تەۋە ھەمدە تەكرار توك قاچىلاشقا بولىدۇ. لى پروففېسسور:"بۇ يۇقىرى ئىقتىدارلىق ئەۋرىشىم، نېپىز پەردىلىك باتارىيەنىڭ دەۋر سۈرۈشى، كېينكى بىر ئەۋلاد ئېلېكتېرون سىستېمىسىنىڭ تەرەققىياتىنى تېزلىتىدۇ، نۆۋەتتە بار بولغان كۆرسىتىش ئېكرانى، ئىچكى سىغىم، LED دىگەندەك ئېلاستىكىلىق ئېلېمېنتلار بىلەن بىرلەشتۈرۈلۈشى تۈرتكىسىدە، تۈرلۈك ئۆزگىچە لايىھە بارلىققا كېلىشى مۇمكىن" دەپ بىلدۈرگەن.

   چۈشەندۈرۈلۈشى ۋە سۈرەتتىن قارىغاندا، نۆۋەتتە بۇ خىل باتارىيە پەقەت LED كىچىك چىرىقىنىلا توك بىلەن تەمىنلەش ئىقتىدارىغا ئىگە ئىكەن، چوڭ كۆلەمدە ئەمەلىي ئىشلەپچىقىرىشقا چۈشۈشكە يەنە خېلى ئۇزۇن ۋاقىت كۈتۈشكە توغرا كېلىدىكەن.

بۇ تەتقىقات ئەترىتى، LIBS بىلەن 3D قاتلانما قۇرۇلمىسىنىڭ كەڭ كۆلەمدە ئىشلەپچىقىرىلىشىنى تېزلىتىش ئۈچۈن، لازىر نۇرىنى ئايرىش تېخنىكىسى تەتقىقاتىغا تۇتۇش قىلغان.

     پروففېسسور Keon Jae Lee تەتقىق قىلىپ ياساپ چىققان بۇ خىل باتارىيە ھەرگىزمۇ تۇنجى بولۇپ دۇنياغا كەلگەن ئېلاستىكىلىق باتارىيە ئەمەس، بۇنىڭدىن ئىلگىرىمۇ نۇرغۇن ئېلاستىكىلىق باتارىيە ئېلېمېنتلىرى تەتقىق قىلىپ ياسالغان. "ئېلاستىكىلىق يانفون" ئۇقۇمىنىڭ كېڭىيىشى بىلەن، كىشىلەر بارغانسېرى "ئېلاستىكىلىق باتارىيە" تەرەققىيات دەرىجىسىگە دىققەت قىلماقتا.

بۇ يىل مارت ئايلىرىدىكى مەلۇم بىر خەۋەردە، NEC نىڭ ھازىر دەرىجىدىن تاشقىرى نېپىز، ئىلاستىكىلىق ORB باتارىيە تەتقىق قىلىپ ياساپ چىققانلىقى كۆرسىتىلگەن، باتارىيەنىڭ قېلىنلىقى پەقەت 3 مىللىمېتىر بولۇپ، 3 كۋادىرات سانتىمېتىرلىق ئېپىزوما باتارىيەسى 3mAh زەرەت مىقدارى بىلەن تەمىنلىيەلەيدىكەن ھەمدە 500 قېتىم توك تولۇقلاشقا ئىشلىتىلىپ بولغاندىن كېيىنمۇ يەنە 75 پرسەنت باتارىيە سىغىمىنى ساقلاپ قالالايدىكەن. بۇ مەھسۇلات 2013- يىللىرى ئىشلەپچىقىرىشقا كىرىشتۈرۈلۈ شى مۆلچەرلەنگەن.