شىنجاڭلىقلار كونا iPhone نى يېڭىغا ئالماشتۇرۇش ئۈچۈن بېيجىڭ، شاڭخەيگە بېرىشى كېرەك

تۈرى : تېخنىكا يوللىغۇچى : ۋاقتى : 2015-04-01 17:00:40

تەڭرىتاغ تورىنىڭ 1-ئاپرېل خەۋىرى (ئوكيان تورىدىن ھاجىم تەرجىمىسى): 3-ئاينىڭ 31-كۈنى ئالمىنىڭ كونىنى يېڭىغا ئالماشتۇرۇش پائالىيىتى جۇڭگو چوڭ قۇرۇقلۇقىدا رەسمىي باشلاندى، بۇنىڭ بىلەن iPhone تېلېفونى بار ئۈرۈمچىلىكلەر قاتتىق خۇشال بولۇشۇپ، بىر بىرسىگە بۇ خۇش خەۋەرنى يەتكۈزدى. ئەمما كۆپىنچە كىشىلەر شىنجاڭدا كونا iPhone نى يېڭىغا ئالماشتۇرغىلى بولمايدىغانلىقىنى بىلمىسە كېرەك.

بۇ قېتىملىق پائالىيەتتە قوللايدىغان ئەڭ تۆۋەن تېلېفون تىپى iPhone 4 بولۇپ، كونكرېت ئېتىبار باھالارنى باھالاتقاندىن كېيىن بىلگىلى بولىدىكەن. شۇنىڭ بىلەن بىرگە كونا iPad نى يېڭىغا ئالماشتۇرۇش پائالىيىتىمۇ بىرلا ۋاقىتتا يولغا قويۇلغان.

ئىگىلىنىشىچە، كونىنى يېڭىغا ئالماشتۇرۇشتا ئالدىن تىزىملىتىش، تېلېفون سېتىۋېلىش ئىسپاتىنى كۆرسىتىش ھاجەتسىز بولۇپ، بىۋاسىتە iPhone تېلېفونى (ياكى iPad) نى كۆتۈرۈپ پارچە سېتىش دۇكانلىرىغا بارسىلا بولىدىكەن. كونىنى يېڭىغا ئالماشتۇرۇش پەقەت ئالمىنىڭ ئورگان تەرەپ پارچە سېتىش دۇكىنىدا ئېلىپ بېرىلىدىكەن. ئالما دۇكىنىدىكى خىزمەتچى خادىملار كونا مەھسۇلاتلارغا باھالاش ئېلىپ بارىدىغانلىقى ئۈچۈن، ئالما ھوقۇق بەرگەن مۇلازىمەت ئورۇنلىرى «كونىنى يېڭىغا ئالماشتۇرۇش» مۇلازىمىتى بىلەن تەمىنلىيەلمەيدىكەن.

مۇخبىرنىڭ ئالمىنىڭ ئورگان تور بېكىتىدىكى پارچە سېتىش ئورۇنلىرىنى تەكشۈرۈشىچە، بۈيۈك جۇڭخۇا رايونىدا پەقەت شاڭخەي، بېيجىڭنى ئۆز ئىچىگە ئالغان 11 شەھەردىكى 21 پارچە سېتىش دۇكىنىدا كونىنى يېڭىغا ئالماشتۇرغىلى بولىدىغان بولۇپ، شىنجاڭ رايونىدا ئالماشتۇرۇش ئورنى يوق ئىكەن.
تەرجىمىدە : ئوكيان تورى

ئەلدىيار تورى ئۈندىدار سالونى : eldiyar99