يازدا توڭلاتقۇ كېسىلىدىن ئېھتىيات قىلىڭ

توڭلاتقۇ «بىخەتەر ساندۇق»ئەمەس. توڭلاتقۇ پەقەت باكتېرىيىنىڭ كۆپىيىشىنى تېزگەنلەيدۇ، باكتېرىيەنى توڭلىتىپ ئۆلتىرەلمەيدۇ. ھەتتا بەزى باكتېرىيەلەر توڭلاتقۇدا كۆپىيىپ، يېتىلىپ، كىشىلەرنىڭ سالامەتلىكىگە تەسىر يەتكۈزىدۇ. توڭلاتقۇدا ساقلىغان يېمەكلىكلەر مۇۋاپىق ئىستىمال قىلىنمىسا، ئاشقازاق ياللۇغى، ئۈچەي ياللىغۇنى پەيدا قىلىشى مۇمكىن. بەزى باكتېرىيە ۋە كۆكەرتكۈچى باكتېرىيەلەر تۆۋەن تېمپۇراتورىدا ناھايىتى تېز كۆپىيىپ، مېۋە - چېۋە، كۆكتات، بېلىق ۋە سۈت مەھسۇلاتلىرى قاتارلىقلارنى ئاسانلا بۇلغايدۇ. بۇنداق يېمەكلىكلەر ئوبدان ئىستىلىپ ياكى پىشۇرۇلۇپ ئېستىمال قىلىنمىسا، ئۈچەي ياللىغۇنى پەيدا قىلىپ، قورساق ئاغرىش ۋە ئىچى سۈرۈشنى كەلتۈرۈپ چىقىرىدۇ. ئەگەر توڭلاتقۇدا ساقلانغان يېمەكلىك ھەددىدىن كۆپ ئېستىمال قىلىنسا، ئاشقازان بىلەن ئۈچەي تۆۋەن تېمپۇراتورىنىڭ غىدىقلىنىشىغا ئۇچراپ، قان تومۇرلار بىردىنلا قۇرۇلۇپ كېتىتۇ -دە، قان ئايلىنىش نورمال بولمايدۇ. ئاشقازان، ئۈچەي يوللىرىنىڭ ھەزىم قىلىش سۇيۇقلىقىنى ئاجرىتىپ چىقىرىشىمۇ توختاپ، كۆكرەك تۇيۇقسىز ئاغرىش، قۇسۇش ئالامەتلىرى كۆرۈلىدۇ. ئاشقازان ياللۇغىغا گىرىپتار بولغان بالىلار سوغۇق ساقلانغان يېمەكلىكلەرنى ئېستىمال قىلىپ يېرىم سائەتتىن كېيىن، كۆڭلى ئىلىشىش، قۇسۇش قاتارلىق ئالامەتلەر كۆرۈلىدۇ.