ئاياللاردىكى خاتا قاراش ئۇلارنى نىكاھتا بەختسىز قىلىپ قويىدۇ

* نىكاھتىن كېيىنكى تۇرمۇشۇم باشقىلارنىڭكىدەك كۆڭۈللۈك ئەمەس.
　　ھەر بىر ئادەمنىڭ تۇرمۇشتىكى خۇشاللىققا بولغان قارىشى ئوخشاش بولمايدۇ. ئېرىڭىزنىڭ نەزىرىدە سىز ئەتكەن مەززىلىك تاماقنى يېيىشنىڭ ئۆزى بىر بەخت. لېكىن سىز كوچىدا، ئېسىل پىكاپلاردا ئولتۇرۇشنى بەخت دەپ بىلگەچكە، نىكاھىڭىزدىن خۇشاللىق تاپالمايسىز.

　　* ئاياللار توي قىلىپلا مۇز چىراي بولۇپ قالىدۇ.
　　ئاياللار توي قىلغاندىن كېيىن، ئۆز خاھىشى بويىچە ئىش قىلالمايدۇ. ئۆزىگە ئاجراتقان ۋاقتى ئازلاپ كېتىپ، تۇرمۇشتىكى خۇشاللىقتىن مەھرۇم قالغاندەك ھېس قىلىدۇ. ئاياللار، ئەڭ ياخشىسى، نىكاھنى ئۆزىگە بېسىم قىلىۋالماسلىقى كېرەك.

　　* مەن چوقۇم مۇكەممەل ئەر تېپىپ ياتلىق بولىمەن.
　　نۇرغۇن قىزلار ياخشى يىگىت تېپىش ئۈچۈن، ئۆزىگە نۇرغۇنلىغان بەلگىلەرنى تۈزۈۋالىدۇ. شۇنىڭ بىلەن ئارىلىشىش جەريانىدا توختىماي يىگىتىدىن قۇسۇر ئىزدەپ، ياراتماي، تېخىمۇ مۇكەممەل يىگىت تېپىشنى ئويلايدۇ. شۇنىڭ بىلەن ئۇنى، بۇنى تاللاپ يۈرۈپ، تەلىپىگە ماس كەلگەن نامزاتلاردىنمۇ قۇرۇق قالىدۇ. شۇڭا مۇكەممەل ئەر تاپىمەن دېمەي، سىزنى چىن دىلىدىن سۆيىدىغان ئەرنى تېپىڭ، ئۇ سىزنىڭ ئەڭ چوڭ بەختىڭىزدۇر.


　　* نىكاھنىڭ ئۇزاق ۋاقىت داۋاملىشىشى ئۆزىگە ئەڭ ماسلاشقان جۈپتىنى تاپقانلىقىدىندۇر.
　　نىكاھنىڭ ئۇزۇن داۋاملىشىشى ھەرگىزمۇ بىر تەرەپنىڭ كۈچىشى بىلەن ئەمەلگە ئاشمايدۇ، ئۇ ئىككى تەرەپنىڭ تەڭ تىرىشىشىغا موھتاج.


ئەسلى مەنبە: خەلق تورى