90% سامسۇڭ تېلىفۇنلىرى دوراپ ياسىلىدۇ

تۈرى : تېخنىكا يوللىغۇچى : ۋاقتى : 2015-04-10 20:55:55

«2014-يىللىق تاغتۇرا يان تېلېفونلار تەتقىقات دوكلاتى» يېقىندا ئېلان قىلىندى. دۆلەت ئىچىدە تۇنجى قېتىم تارقىتىلغان مەزكۇر تەتقىقات دوكلاتىدا كۆرسىتىلىشىچە، سامسۇڭنىڭ قىممەت باھالىق ھەشەمەتلىك يان تېلېفونلىرىنىڭ تاغتۇرا قىلىپ ياسىلىش نىسبىتى %90 تىن يۇقىرى ئىكەن؛ خېيلۇڭجياڭدا 100 دانە يان تېلېفوننىڭ ئىچىدە توققۇزى ساختا مەھسۇلات ئىكەن.

تاغتۇرا يان تېلېفون دېگىنىمىزدە، داڭلىق ماركىلىق يان تېلېفونلارنى تەقلىد قىلىپ ياسىلىدىغان ساختا يان تېلېفونلار كۆزدە تۇتۇلىدۇ. دوكلاتتا كۆرسىتىلىشىچە، داڭلىق ماركىلىق يان تېلېفونلارنىڭ تەقلىد قىلىپ ياسىلىشى كۈنسېرى ئېغىرلاۋېتىپتۇ، بۇ سەۋەبتىن نۇرغۇنلىغان ئىستېمالچىلار ئالدىنىپ قالىدىكەن، يەنە نۇرغۇن ئىستېمالچىلار قولىدىكى يان تېلېفوننىڭ تاغتۇرا يان تېلېفون ئىكەنلىكىنىمۇ بىلمەيدىكەن. دوكلاتتا كۆرسىتىلىشىچە، 2014-يىلى تەكشۈرۈپ چىقىلغان 579 مىڭ تاغتۇرا يان تېلېفون ئىچىدە ساختا سامسۇڭ، ساختا شياۋمى، ساختا HTC يان تېلېفونلارنىڭ بايقىلىپ چىقىش نىسبىتى تەكشۈرۈپ چىقىلغان ئومۇمىي تاغتۇرا يان تېلېفونىنىڭ %84.4 ىنى ئىگىلىگەن.

ئەلدىيار تورى ئۈندىدار سالونى : eldiyar99