تۇرمۇشتىكى ئەپچىل چارىلەر

تۈرى : تۇرمۇش يوللىغۇچى : ئابلەت نۇرمۇھاممەد ۋاقتى : 2016-03-04 00:28:39

تۇرمۇشتىكى ئەپچىل چارىلەر

سامساق ئاقلاش بەك قول تۇتىدىغان ئاۋارىچىلىق بىر ئىش. شۇڭا، سامساقنى ئىسسىق سۇغا3 -2مىنۇت چىلاپ ئاندىن ئاقلىسا ئاسان ئاقلىغىلى بولىدۇ. ئەگەر بىر قېتىمدىلا كۆپرەك سامساق ئاقلاشقا توغرا كەلسە، سامساقلارنى ئەمبەلگە قويۇپ، قىڭراق بىلەن بوش ئۇرسا پوستى بوشاپ ئاسان ئاقلىغىلى بولىدۇ.

پىياز توغراشتىن ئاۋۋال، پىيازنى توڭلاتقۇنىڭ توڭلىتىش قەۋىتىگە يېرىم سائەت سېلىپ قويۇپ ئاندىن توغرىساق كۆزدىن ياش چىقارمايدۇ.

ھاۋا سوغۇق بولسا خېمىر بولدۇرۇش ناھايىتى تەس بولىدۇ. بۇنداق چاغدا خېمىرغا ئازراق ئاق شېكەر سېلىۋەتسىڭىز خېمىر ئاسان بولىدۇ.

ھورنان ئۇزاق تۇرۇپ قالغاندا ھەم قاتتىق ھەم قۇرغاق بولۇپ قالىدۇ. ئۇنى ئىسىتماقچى بولغاندا ھورنان ئۈستىگە ئازراق سۇ سېپىپ، ئاندىن ئىسىتسا ھورنان يېڭى ۋاقىتتىكىدەك يۇمشاق ھەم يېيىشلىك بولىدۇ.

ئاياللار قاچا يۇيۇش سۇيۇقلۇقى، سوپۇن قاتارلىق ئىشقارلىق ماددىلار بىلەن كۆپ ئۇچرىشىدىغان بولغاچقا قول تېرىسى ئاسانلا يىرىكلىشىپ كېتىدۇ. بۇنداق چاغدا بىر قانچە تېمىم لىمون سۈيى ياكى ئاچچىقسۇنى قولغا سۈرسە، تېرىدە قېپقالغان ئىشقارلىق ماددىلار چىقىپ كېتىدۇ. ئاندىن قولنى يۇمشىتىش مېيىنى سۈرۈۋالسىلا بولىدۇ.

تەركىبىدە ۋىتامىن E بولغان ئوزۇقلۇق مېيى بىلەن تىرناقنىڭ ئەتراپى ھەم تىرناقنى ئۇۋۇلاپ بەرگەندە، ئەتتىكەن يوقايدۇ ھەم تېرە يۇمشايدۇ.