سامساق بىلەن غولپىيازنىڭ رولىغا سەل قارىماڭ

تۈرى : ساغلاملىق يوللىغۇچى : ئابلەت نۇرمۇھاممەد ۋاقتى : 2016-04-14 01:01:42

سامساق بىلەن غولپىيازنىڭ رولىغا سەل قارىماڭ

سامساقنىڭ يەل ھەيدەش، تاماق سىڭدۈرۈش، نەملىكنى قۇرۇتۇش، سوغۇق يەلنى ھەيدەش، تال ۋە ئاشقازاننى قۇۋۋەتلەش، ئاغرىق توختىتىش، ئىششىق ياندۇرۇش رولى بار. سامساق يەنە تولغاق، كۆكيۆتەل، ئۆپكە تۇبېركۈليۇز قاتارلىق كۆپ خىل كېسەللىكلەرگە داۋا بولىدۇ، چۈنكى سامساقتا ئانتىبىيوتىك ماددا ئاللىتسىن بار. ئۇنىڭ مىكروب يوقىتىش رولى بىر قەدەر كۈچلۈك، ئۈزۈمسىمان شارچە باكتېرىيە، تولغاق تاياقچە باكتېرىيەسى ۋە ۋابا تىرناقسىمان باكتېرىيەلىرنىڭ پەيدا بولىشىنى تىزگىنلەيدۇ ھەم ئۇلارنى ئۆلتۈرىدۇ. سامساقتا يەنە مىكرپب ئۆلتۈرۈش ئىقتىدارى كۈچلۈك پىياز ماددىسى بار، ئۇ رېماتىزىمغا داۋا بولىدۇ، تەننىڭ ئاغرىقتىن بولىدىغان پالەچلىكىنى داۋالاش، پارازىت قۇرۇتلارنى ئۆلتۈرۈش، يۈرەك سىقىلىشنى ۋە قان ئازلىقنى تۈگىتىش رولىمۇ بار؛ يەنە ئۇيۇۋالغان قاننى تارقىتىدۇ، باش ئاغرىقى، قۇلاق گاسلىقى، گېمروي قاتارلىقلارغا داۋا بولىدۇ، زەھەر قايتۇرىدۇ. غولپىيازنىڭ يۇقىرىدا تىلغا ئېلىنغان ئىقتىدارى بولغاندىن باشقا، يەنە غولپىياز ئېقىنىڭ تەبىئىيىتى ھۆل ئىسسىق، تەركىبىدە پارلىنىشچان ياغ بار، ئۇنىڭدا تەرلىتىش، ئاغرىق توختىتىش ئىقتىدارىمۇ بار.

ئەلدىيار تورى ئۈندىدار سالونى : eldiyar99