NHTSA گۇگېلنىڭ شوپۇرسىز ھەيدىلىدىغان ماشىنىسىنى مۇئەييەنلەشتۈرى

تۈرى : تېخنىكا يوللىغۇچى : ئابلەت نۇرمۇھاممەد ۋاقتى : 2016-02-11 00:14:22

NHTSA گۇگېلنىڭ شوپۇرسىز ھەيدىلىدىغان ماشىنىسىنى مۇئەييەنلەشتۈرى

بېتا تورى خەۋىرى، نۇر تورى تەرجىمىسى:

ئامېرىكا دۆلەتلىك قاتناش باشقۇرۇش ئىدارىسى (NHTSA) بۈگۈن ئېلان قىلغان ئاشكارا خېتىدە گۇگېل شىركىتىنىڭ شوپۇرسىز ھەيدىلىدىغان ماشىنا ساھەسىدىكى تىرىشچانلىقىنى مۇئەييەنلەشتۈرگەن، شۇنىڭ بىلەن بىر ۋاقىتتا گۇگېل شىركىتىنىڭ شوپۇرسىز ھەيدىلىدىغان ماشىنىسىنىڭ بۇ ساھەدىكى مۇھىم بىر نامايەندە ئىكەنلىكىنى بىلدۈرگەن، قاتناش باشقۇرۇش ئىدارىسى بۇ خەتتە يەنە گۇگېلنىڭ شوپۇرسىز ھەيدىلىدىغان ماشىنىسىنىڭ ئىچكى قىسمىدىكى ئەقلىي ئىقتىدارلىق ماشىنا ئادەمنى ھەقىقىي «شوپۇر» دەپ ئېتىراپ قىلغان. بۇ خىل ئېتىراپ قىلىش گۇگېل شىركىتىنىڭ تەسەۋۇرىدىكى شوپۇرسىز ھەيدىلىدىغان ماشىنىسى ئۈچۈن ئېيتقاندا ئىنايىن مۇھىم قوللاش بولۇپ ھېسابلىنىدۇ، بۇ قوللاش بەلكى شوپۇرسىز ماشىنىنىڭ ھەقىقى يولغا چىقىش ۋاقتىنى قىسقارتىپ بېرىشى مۇمكىن.

بۇنىڭدىن باشقا بۇ ئوچۇق خەتتە يەنە ھازىرقى قاتناش قائىدىلىرىنى چۆرىدىگەن ھالدا شوپۇرسىز ھەيدىلىدىغان ماشىنا تېخنىكىسىنى قانداق ئورۇنلاشتۇرۇش لازىملىقى تەپسىلىي تونۇشتۇرۇلغان، شۇنداقلا ماشىنىنى كىم ھەيدىشىدىن قەتئىي نەزەر چوقۇم قاتناش قائىدىسىگە رىئايە قىلىشى لازىملىقى تەكىتلەنگەن. گۇگېل شىركىتىنىڭ شوپۇرسىز ھەيدىلىدىغان ماشىنىسىنى مىسالغا ئالساق ماشىنىنىڭ ئىچكى قىسمىدىكى «Self-Driving System» دەپ ئاتىلىدىغان سېستىما دەل ماشىنا ھەيدەشكە مەسئۇل شوپۇردۇر.